«Շոփինգամոլ» առաջին տիկին և 661 մլն դոլար արժողության ճոխ պալատ. The Daily Mail-ի անդրադարձը Էրդողանի ու նրա կնոջ ճոխ ապրելակերպին (լուսանկարներ)

 «Թուրքիայի առաջին տիկնոջ խոսքերով, ինքը համեստ ու հնազանդ կյանք է վարում` մուսուլմանական արժեքների համաձայն ու օրվա մեծ մասը զբաղված է տնային գործերով: Բայց քանի որ  նրա բռնապետ ամուսինը` նախագահ Ռեջեփ Թայիփ Էրդողանը դիզել է մոտ 190 մլն դոլարի կարողություն ու առնվազն 3 ճոխ պալատ ունի Թուրքիայի տարբեր հատվածներում, նրա «շոփինգամոլ» կինը վայելում է կյանքը` վատներով այդ գումարները:

Թուրքիայի առաջին տիկնոջ` Էմինե Էրդողանի  վարած կյանքը բաղկացած է մեկը մյուսին հաջորդող թանկարժեք գնումների շղթաներից: Նա առանձնահատուկ սեր ունի դիզայներական հագուստների ու թանկարժեք հնաոճ իրերի նկատմամբ:

Այս գեղեցիկ պատկերի ֆոնին հարկ է նշել, որ  երկրի ժողովրդի 1/4-րդ մասն ապրում է ծայրահեղ աղքատության պայամաններում, ևս 1 մլն մարդ պահպանում է իր գոյությունն օրական ընդամենը 5 դոլար եկամտի շնորհիվ: Մինչդեռ Թուրքիայի առաջին տիկինը պարծենում է, որ գնում է կիլոգրամը 3.000 դոլար գնով հատուկ թեյ, որն ըմպում է  500 դոլար արժողությամբ ոսկեզօծ բաժակներով»,-գրում է բրիտանական The Daily Mail պարբերականը` հավելելով, որ մի անգամ տիկին Էրդողանը Բրյուսելում փակել է տվել մի ամբողջ առևտրի մոլ, որտեղ հաշված ժամերի ընթացքում ծախսել է հազարավոր եվրոներ:

Այնուհետև աղբյուրն անդրադառնում է Էրդողանի ճոխ առանձնատներից մեկին, որը գտնվում է  մայրաքաղաք Անկարայում: Ահռելի մակերեսով կացարանը կառուցելու ու այն հարդարելու համար ծախսվել է 661 մլն դոլար: Հայտնի է, որ տան ներսում օգտագործված մետաքսե պաստառներից ամեն մեկի գլանակն արժե 4.500 դոլար, իսկ տեղադրված թանկարժեք դռների գինը հասնում է 60 մլն դոլարի: Մինչդեռ գորգերի վրա ծախսվել է 14 մլն դոլար:

«Թեև Էրդողանը խոստացել էր, որ տան կառուցման ու հարդարման համար օգտագործելու է միջին կարգի շինանյութ ու կահույք` նախապատվություն տալով միայն թուրքայան արտադրանքին, այնուհանդերձ` հայտնի է, որ բոլոր անհրաժեշտ նյութերը ներկրվել են  Գերմանիայից, Հնդկաստանից, Մեծ Բրիտանիայից, Իտալիայից, Ֆրանսիայից ու Նիդեռլանդներից»,-շարունակում է աղբյուրը:

Հայտնի է, որ պալատն ունի խորհրդակցությունների սենյակ, ինչպես նաև բունկերներ` նախատեսված կենսաբանական, քիմիական ու միջուկային հարձակումների համար:

Անոտցիա` 

Թեհ`

Nkarner`