5 պատճառ Քիմ Քարդաշյանին սիրելու համար (լուսանկարներ)

Հեղինակավոր Vogue ամսագրի ռուսաստանյան խմբագրությունը ներկայացրել է հինգ պատճառ մեր հայրենակցուհի Քիմ Քարդաշյանին սիրելու համար, որըWnews.am-ը ներկայացնում է ձեր ուշադրությանը։

«Նիհար» չի նշանակում «գեղեցիկ».

Մենք սիրում ենք Քիմին, եւ դա խոստովանելը ամոթ չէ։ Այն ժամանակ, երբ 90 սմ ազդրեր ունեցող մոդելները կոմպլեքսավորվում էին քաստինգներում, Քիմը մարզվում էր Barry’s Bootcamp-ում՝ ավելացնելով մարմնի զանգվածը։

Նա չի ամաչում իր մարմնից եւ համոզված է, որ նիհար  եւ գեղեցիկ կինը հոմանիշներ չեն։ Նա հավատում է դրան եւ սոցիալական ցանցի միջոցով դա քարոզում է նաեւ մյուսներին։ Արդյունքում փարթամ կազմվածք ունեցող գեղեցկուհին սկսեց հերթով հայտնվել ամերիկյան, ավստրալական, իսպանական եւ բրազիլական Vogue ամսագրերի շապիկին։ Եվ սա այն դարաշրջանում, երբ անորեքսիան դեռեւս սպառնում է երիտասարդ սերնդին, բոլորը ձգտում են նիհար լինել։ Անհավատալի է, բայց փաստ։

Ընտանեկան արժեքներ.

Քիմ Քարդաշյանն ունի մեծ ընտանիք։ Ամուսնանալուց հետո նա շարունակում է մտերիմ հարաբերություններ ունենալ իր քույրերի եւ մոր հետ։ Ընտանեկան հանգսիտը վեր է ամեն ինչից։ Նա աջակցում ու ոգեկոչում էր սեռափոխության ժամանակ իր խորթ հորը՝ Բրյուս Ջեններին։ Նա հպարտանում է իր քույրերի հաջողություններով։ Քիմն ամուսնու կողքին է ամեն պարագայում եւ մինչեւ օրս էլ շարունակում է նրան սեր խոստովանել։

Երեխաները.

Մայրական սերը սահմաններ չունի. Քիմը երեխաների համար տոնակատարություններ է կազմակերպում, ժամերով խաղում իր դստեր հետ։ Նա օրինակելի մայր է. մանկական խաղահարթակները նա այցելում է նույնքան հաճախ, որքան գլամուրային երեկույթները։ Երեխաները եւս պաշտում են Քիմին։

Հումորի զգացում.

Նա կարողանում է արժանապատվորեն ծիծաղել ամեն ինչի վրա՝ հատկապես իր։ Նա այն քչերից է, ով իր հին, անհաջող սանրվածքով կամ զգեստներով «ամոթալի» լուսանկարները չի կոծկում ԶԼՄ-ներից, այլ ընդհակառակը՝ դրանք տեղադրում է սոցիալական ցանցերում եւ հումորային գրառումներ անում։

Համարձակ փորձարկումներ.

Քիմ Քարդաշյանը չի վախենում ծիծաղելի երեւալ։ Նա հոյակապ գիտակցում է, որ եթե համարձակ փորձարկումների դիմելով պարտվի, այդ մասին րոպեներ անց կիմանան միլիոնավոր մարդիկ եւ բոլորը կքննարկեն իր անհաջողությունը, սակայն, չնայած դրան, նա համարձակություն է հավաքում եւ շարունակում փորձարկումների դիմել իր կերպարում։ Նա սեւահերից միանգամից դարձավ շիկահեր, մերկ լուսանկարվեց իր ամուսնու նախկին ընկերուհու հետ։ Նա չի վախենում քննադատություններից։