Ինչի՞ մասին են խոսում տղամարդիկ. չափսը կարեւոր է ոչ թե ննջարանում, այլ հանդերձարանում

Նախօրեին, ընկերներ իմ, «Արսենալ» - «Բորուսիա» խաղն էի դիտում եւ ուրախանում, որ մեր Հենրիխը պատռեց լոնդոնցիների դարպասը: Խաղից հետո թափառում էի համացանցի լայնարձակ տարածությունում եւ այսպիսի հոդվածի հանդիպեցի: Այն այդքան էլ վաղուց չի հրապարակվել, բայց արդիական կլինի դեռ երկար ժամանակ:

Դե, ժողովուրդ, սկսեցինք… Խոսքը լինելու է Չափսի մասին: Այո, այն բանի չափսի, ինչի մասին մտածեցիք. տղամարդու երկրորդ (իսկ իմ կարծիքով՝ առաջին) ուղեղի մասին: Ոչ ոքի համար գաղտնիք չէ փաստը, որ տղամարդիկ գրեթե միշտ մտածում են հենց այդտեղով, իսկ եթե ասում են՝ ոչ, ստում են, ազնվորեն վստահեցնում եմ՝ ստում են:

Դե, իհարկե, փողոցում մարզահագուստով կանգնած եւ արեւածաղկի սերմ կեղեւազրկող հայ երիտասարդությունը դժվար թե քննարկի իր սեռական օրգանի չափսը: Տեսնենք, թե այդ մասին ինչ են ասում մոլորակի մյուս ծայրի գիտնականները (չէ՞ որ մեր գիտնականներն աշխարհում ամենագիտականներն են, ովքեր այնքան դաժան են, որ կարող են պոռնոկայքը գործիքով կոտրել):

Այսպես, պարզվում է՝ ոմն դոկտոր Աննաբել Չան Ֆենգ «Վիկտորիա» համալսարանից (իսկ թե ինչ է այդ՝ ինքներդ փորփրեք, արդեն փոքր չեք, ինտերնետ կա, google-ում փնտրեք) պնդում է, որ սեռական օրգանի չափսը տղամարդկանց համար կարեւոր է, բայց ոչ թե ննջարանում, այլ հանդերձարանում:

Հետազոտությանը մասնակցել է 738 հասուն տղամարդ: Նրանք պետք է հարցաթերթիկ լրացնեին այն մասին, թե ինչպես են ընկալում իրենց մարմինը: Արդյունքներից պարզ է դառնում, որ 18-ից 76 տարեկան հարցվածների մեծ մասին անհանգստացնում է իրենց քաշն ու սեռական օրգանի չափսը:

Փոխարենն անհանգստանալու, թե ինչ կմտածեն զուգընկերուհիներն իրենց սեռական օրգանի մասին, հարցման մասնակիցներին ավելի շատ հուզել է, թե ինչպես այն կգնահատեն այլ տղամարդիկ:

Դոկտոր Չանի խոսքով, առնանդամի չափսի մասին տղամարդկանց անհանգստությունը հազվադեպ է կապ ունենում այն մտքի հետ, արդյո՞ք հաճույք կպատճառեն իրենց կանանց կամ ինչպես ավելի լավը լինել անկողնում:

«Այդ ուժեղ սեռի միջեւ պայքար է, որում նրանք կարող են կորցնել «հեղինակությունը»: Այդ պատճառով էլ տղամարդկանց մեծ մասն առավելապես անհանգստանում է հանդերձարանում եւ լոգասենյակում»,- ասում է մասնագետը:

Դոկտոր Չանի թիմի համաձայն, ոչ միայն կանայք են անհանգստանում իրենց մարմնի մասին: Նման բաներ պատահում են նաեւ տղամարդկանց չափազանց մտերիմ շրջապատում:

Չնայած տղամարդկանց մեծ մասին չի հետաքրքրում, թե ինչ են մտածում կանայք իրենց չափսերի մասին, մեկ այլ հետազոտություն ցույց է տալիս, որ այդ չափազանց կարեւոր է XXI դարի կնոջ համար:

Գիտափորձի մասնակից կանանց ցուցադրել են տղամարդկանց լուսանկարներ՝ տարբեր համադրությամբ. հասակ, ուսերի լայնություն եւ առնանդամի չափս: Եվ ամենից գրավիչների շարքում ընդգրկվել են վառ արտահայտված առնանդամով տղամարդիկ:

Այսպիսի բաներ…