Oրվա բաղադրատոմս . Ոչ ավանդական, բայց և շատ համեղ ու օրիգինալ «Թռչնի կաթ»

Life 8 Հուլիս, 2016 11:43

Բաղադրիչներ

Բիսկվիթի համար՝
ձու - 2 հատ
շաքարավազ - 50
բուսայուղ - 0.5 բաժակ
ալյուր - 70 գր
փխրեցուցիչ - 7,5 գր
վանիլին - 0.5 թ/գդ
Կրեմ սուֆլեի համար՝
ձվի սպիտակուց - 7 հատ
աղ կիտրոնի - 0.25 թ/գդ
շաքարավազ - 100 գր
կարագ - 150 գր
խտացրած կաթ - 200 գր
ժելատին - 25 գր
Ջնարակի համար՝
սերուցք 30-35% յուղայնությամբ - 100 մլ
շոկոլադ սև - 150 գր
Ինչպես նաև՝
կոնֆետ - 16 հատ (Թռչնի կաթ)

Պատրաստման եղանակ

Չափաբաժինները՝ 10:
Պատրաստում ենք բիսկվիթը: Ձվերը շաքարավազի հետ մոտ 5 րոպե հարում ենք, մինչև սպիտակ զանգված ստանանք: Այնուհետև հարիչի արագությունն իջեցնում ենք և ավելացնում բուսայուղը, փխրեցուցիչի հետ խառնած ալյուրը և վանիլինը: Խմորը լցնում ենք 24 X 24 սմ չափի յուղաթղթապատ ձևամանի մեջ: Կարող ենք ավելի փոքր ձևաման վերցնել, որպեսզի տորթն առավել բարձր լինի: Տեղափոխում ենք մինչև 180 աստիճան տաքացրած ջեռոցի մեջ և 15 րոպե թխում ենք:
Պատրաստի բիսկվիթը սառելուց հետո ձևամանից հանում ենք և եզրերից 1 սմ կտրում, այնուհետև կրկին տեղափոխում ձևամանի մեջ:
Պատրաստում ենք կրեմ-սուֆլեն: Սպիտակուցները կիտրոնի աղի կես մասի հետ խառնում ենք և աստիճանաբար ավելացնում շաքարավազի կեսը և որոշ ժամանակով սենյակային ջերմաստիճանում ենք թողնում: Փափկեցրած կարագը խտացրած կաթի հետ հարում ենք:
Ժելատինի վրա սառը ջուր ենք լցնում և 10 րոպե հանգիստ թողնում, այնուհետև ավելացնում ենք մնացած շաքարավազն ու կիտրոնի աղը: Ուռած ժելատինը գոլորշու վրա տաքացնում ենք, որպեսզի լուծվի և թողնում ենք թեթևակի սառչի: Այժմ ժելատինն աստիճանավբար լցնում եք սպիտակուցների մեջ և խառնում ենք: Այնուհետև ավելացնում ենք խտացրած կաթն ու խառնում:
Վերցնում ենք բիսկվիթով ձևամանը և կրեմի կեսը լցնում ենք բիսկվիթի վրա, այնուհետև շարում ենք <Թռչնի կաթ> կոնֆետները: Աշխատում ենք կոնֆետները հավասար հեռավորության վրա դնել: Լցնում ենք կրեմի մյուս կեսը և տորթը գիշերը սառնարանում ենք թողնում: Առավոտյան սառնարանից հանում ենք, վարսահարդարիչով ձևամանի կողքերը տաքացնում և հեշտությամբ ձևամանը հանում:
Պատրաստում ենք ջնարակը: Սերուցքը տաքացնում ենք և շոկոլադի հետ խառնում այնքան, մինչև շոկոլադը լուծվի: Անուհետև ջնարակը լցնում ենք տորթի կենտրոնում և թիակով տարածում: Կարող ենք ձևավորել հատապտուղներով:
Ահա և վերջ:

Ի դեպ, եթե Թռչնի կաթ սիրում եք, ապա Թռչնի կաթի այս բաղադրատոմսը ևս կհավանեք