Կրեմլում թուրքական «Ինջիրլիք» ավիաբազան օգտագործելու առաջարկի մասին տեղեկացել են լրատվամիջոցներից
Header
Կրելմում «Ինջիրլիք» ավիաբազայի վերաբերյալ հայտարարության մասին տեղեկացել են լրատվամիջոցներից, տեղեկացնում է ՌԻԱ «Նովոստի»-ն:
ՌԴ նախագահի մամուլի քարտուղար Դմիտրի Պեսկովը, մեկնաբանելով «Ինջիրլիք» ավիաբազան Ռուսաստանին տրամադրելու մասին Թուրքիայի արտգործնախարար Մևլութ Չավուշօղլուի հայտարարությունը, այն կարևոր է համարել:
«Այդ հայտարարությունը կվերլուծվի թե՛ քաղաքական, թե՛ ռազմական տեսանկյունից»,-ասել է Պեսկովը:
Նա հաղորդել է, որ իրեն հայտնի չէ թուրքական ավիաբազան Ռուսաստանի կողմից օգտագործելու վերաբերյալ որևէ պաշտոնական քննարկման մասին:
Ավելի վաղ հաղորդվել էր, որ Թուրքիան պատրաստ է Ռուսաստանին տրամադրել «Ինջիրլիք» ավիաբազան։ Այդ մասին հայտարարել էր երկրի արտգործնախարար Մևլութ Չավուշօղլուն: Չավուշօղլուն հայտարարել էր, որ «Իսլամական պետություն» ահաբեկչական խմբավորումը բոլորի ընդհանուր թշնամին է:
«Ուրեմն ինչո՞ւ Ռուսաստանի հետ «Ինջիրլիքում» չհամագործակցենք»,-ասել էր նա:
Ռուսաստանի Պետական դումայի պաշտպանության հարցերով հանձնաժողովի ղեկավարի առաջին տեղակալ Անդրեյ Կրասովն իր հերթին հայտարարել էր, որ «Ինջիրլիք» ավիաբազան օգտագործելու Թուրքիայի առաջարկը բարեկամական քայլ է, սակայն որոշումը պետք է կայացնի ռուսական ռազմական հրամանատարությունը:
1
2
3
4
5
1
2
3
4
2
3
5
