Անհամբերությամբ սպասում էի այս օրվան, որ սպիտակ շորերով աղջիկներին ջրեի. Բեն Ավետիսյան
Life
Այսօր հայերը խանդավառությամբ նշում են Վարդավառը` տոն, որը խորհրդանշվում է միմյանց ջրով «օծելով»: Այս տոնը սիրված է շատերի կողմից, այն հատկապես շատ են սիրում երեխաները, որոնք այս ամառվա շոգին կարող են մի ամբողջ օր ջրել ու ջրվել ու վայելել դրական օրվա բարձր տրամադրությունը:
Դերասանան Բեն Ավետիսյանը թեեւ արդեն երեխա չէ, բայց նույն ոգեւորությամբ է սպասում Վարդավառին.
«Շատ եմ սիրում այս տոնը: Մինչեւ հիմա ակտիվորեն մասնակցում եմ»,-ասում է Բենը, որը շատ վառ հուշեր ունի կապված Վարդավառի հետ.
«Երբ փոքր էի, հատկապես, անհամբերությամբ սպասում էի այս օրվան, որ սպիտակ շորերով աղջիկներին ջրեի: Չնայած հիմա էլ շատ բան չի փոխվել. դեռ կան մարդիկ, որոնք այդ օրը սպիտակ են հագնում ու պետք է իրենց ջրել, որ մյուս անգամ չհագնեն այդ գույնի հագուստ ջրոցիի ժամանակ»,-կատակում է երիտասարդ դերասանը:
Բենի խոսքով` այդ օրը հատկապես հետաքրքիր է, երբ ջրում ես անծանոթներին.
«Նաեւ կան մարդիկ, որոնց ցանկանում ես մի լավ ջրել` իմանալով, որ այսօր նրանք ոչինչ չեն ասի քեզ: Խոսքս հիմնականում այն մարդկանց մասին է, որոնք ժամանակին ծակել են մեր գնդակները»:
«Երանի» հեռուստասերիալի գլխավոր հերոսին մարմնավորող դերասանը նշում է, որ սիրում է ե՛ւ ջրել, ե՛ւ ջրվել:
«Այսօր էլ անպայման խաղալու եմ ջրոցի»:
Սյունե Առաքելյան
1
2
3
4
5
1
2
3
4
5
3
