Մարտակերտի ազատագրման 23-րդ տարեդարձը նշվել է զինվորական շքերթով եւ տոնական համերգով
Հունիսի 28-ին Արցախի Մարտակերտ քաղաքն իր ազատագրման օրը նշեց զինվորական շքերթով, Արցախյան ազատամարտի զոհերի հուշահամալիրուրում կատարված ծաղկեդրման արարողությամբ եւ մշակույթի պալատում հրավիրված տոնական համերգով:
Ինչպես «Արմենպրես»-ի թղթակցին Մարտակերտում գտնվելու ժամանակ տեղեկացրեց «Ջրաբերդ» թերթի գլխավորխմբագիր Լուսինե Զաքարյանը, մարդաշատ միջոցառումներից Մարտակերտի շրջանի վարչակազմի եւ քաղաքի ղեկավարությունը խուսափել է՝ ելնելով քաղաքացիների անվտանգության ապահովման նկատառումներից: «Զինվորական երթը Մարտակերտում տեղակայված զորամասի զինվորների եւ սպաների մասնակցությամբ անցավ քաղաքի հրապարակով, որ ն ընդունեցին Մարտակերտի շրջանային վարչակազմի ղեկավար Վլադիկ Խաչատրյանը, քաղաքապետ Միշա Գյուրջյանը, զորամիավորման հրամանատար Ալեքսանդր Գրիգորյանը եւ զորամասի հրամանատար Սամվել Գրիգորյանը: Ապա շրջվարչակազմի, քաղաքապետարանի, պետական հիմնարկների աշխատակիցները եւ անհատ քաղաքացիներ ծաղկեպսակներ եւ ծաղիկներ դրեցին Արցախյան ազատամարտի զոհերի հիշատակը հավերժացնող հուշահամալիրում, այցելեցին Արցախյան ազատամարտի փառքի թանգարան: Իսկ երեկոյան քաղաքի մշակույթի եւ երիտասարդության կենտրոնում տեղի երաժշտական ինքնագործ խմբերի ուժերով եւ հանրահայտ երգչուհի Շուշան Պետրոսյանի մասնակցությամբ տրվեց համերգ՝ նվիրված Մարտակերտի ազատագրման 23-րդ տարեդարձին»,-նշեց գլխավոր խմբագիրը:
Վերջինս հավելեց նաեւ, որ քաղաքն ապրում է իր առօրյա կյանքով, մարդիկ զբաղված են իրենց հոգսերով, աշխատանքով: Մարտակերտում ու շրջանի գյուղերում շարունակվում են գյուղատնտեսական աշխատանքները: «Բերքահավաքի աշխատանքները հիմնականում ընթանում են առանց լուրջ միջադեպերի, հակառակորդի կողմից խանգարվելու վտանգի, միայն Թալիշի արտերի հունձն է վտանգավոր, որը շրջանի ղեկավարությունը փորձում է լուծել միջազգային կառույցների օժանդակությամբ: Քաղաքի բնակչությունը հիմնականում տեղում է, ոչ ոք համակված չէ ճամպրուկային տրամադրությամբ»,- հավաստեց Լու սինե Զաքարյանը:
«Արմենպրես»-ի հետ զրույցում N զորամասի հրամանատար Սամվել Գրիգորյանը եւս հաստատեց, որ Մարտակերտը համակված է հայրենի հողի վրա ապրելու եւ արարելու վճռականությամբ: «Ապրիլյան քառօրյա հերոսամարտից հետո, ելնելով անվտանգության ապահովման անհրաժեշտությունից, մարդիկ ժամանակավորապես ապասատանել էին այլ վայրերում, բայց այժմ իրավիճակը հանդարտ է, բոլորը վերադարձել են: Մեկն էլ իմ ընտանիքն է, որ ապրում է իմ կողքին, եւ բոլորս համակված ենք հաղթական ու վճռական տրամադրությամբ՝ չնահանջել թշնամու սպառնալիքների առաջ»-նշեց գնդի հրամÕ �նատարը:
Խոսրով Խլղաթյան
1
2
3
4
5
3
4
5
2
3
4
5
