Հ1-ից հրաժարվում են արձագանքել Լուլուի ու Ժակի «մեղադրանքներին»
Life
Life.panorama.am-ը գրում է .
Հանրային հեռուստաընկերությամբ տարիներ առաջ ցուցադրվող և շուտով կրկին հեռարձակվեիք «Բենեֆիս» նախագծի վերաթողարկումը բուռն քննարկման թեմա է դարձել: Հաղորդման հեղինակային իրավունքը պատկանում է հաղորդավար Ժակին, ում Հ1-ից անգամ չեն զգուշացրել, որ իր հեղինակած հաղորդումը նոր ենթաշրջանում դարձյալ եթեր է վերադառնալու:
Թեմայի վերաբերյալ պարզաբանում ստանալու նպատակով Life.panorama.am-ը կապ հաստատեց Առաջին ալիքի հասարակայնության հետ կապերի բաժնի պատասխանատուի հետ, ով տրամադրեց հետևյալ պարզաբանումը. «Հայաստանի հանրային հեռուստաընկերությունը հետամուտ է իր հեռուստադիտողի կողմից սիրված և առավել դրական արձագանք գտած նախագծերի շարունակությանը և բարի ավանդույթների վերականգնմանը։ «Բենեֆիս» հաղորդաշարը պատկանում է հենց այդպիսի հաղորդումների թվին և ինչպես այն հաղորդումներն ու գեղարվեստական ֆիլմերը, որոնք նկարահանվել են տարիներ առաջ Հանրային հեռուստաընկերության կողմից և մինչ այսօր ներկայացվում են մեր եթերում, այնպես էլ այս նախագիծը նոր ենթաշրջանում կմեկնարկի նոր ձևաչափով ու մոտեցմամբ:
Նախագծի շրջանակում հայ երգիչ-երգչուհիները կներկայանան իրենց սիրված երգերով և կատարումներով, անդրադարձ կկատարվի արտիստների ինչպես ստեղծագործական, այնպես էլ անձնական գործունեությանը: Հաղորդումը հնարավորություն կտա հեռուստադիտողին ծանոթանալու հայ կատարողների անցած ուղուն, ինչպես նաև ապագա անելիքներին, այն ամենին, ինչը սովորաբար մնում է կուլիսների հետևում։ Հեռուստադիտողը կկարողանա գնահատել այն սեպտեմբերից: Ծրագիրը կվարի Առաջին ալիքի հաղորդավար Ավետ Բարսեղյանը»:
Հեռուստաընկերությունից հրաժարվեցին անդրադառնալ նախագծի հետ կապված հաղորդավարներ Լուսինե Բադալյանի (Լուլու) ու Ժակի մեկնաբանություններին:
Հեղինակ՝ Անուշիկ Մելքոնյան
1
2
3
4
5
1
2
3
4
5
5
