Լարված իրավիճակ ԱԺ-ի մոտ, քաղաքացիներից մեկը շշով հարվածել է պատգամավորին. թարմացվող

armtimes.com-ը գրում է.

15:00 ՀՀ ոստիկանության հասարակայնության հետ կապերի եւ լրատվության վարչությունից ի պատասխան մեր հարցին ասացին, որ ԱԺ-ի մոտից քաղաքացին բերման է ենթարկել մարմնական վնասվածք հասցնելու կասկածանքով: Ոստիկանությունից, սակայն քաղաքացու անուն-ազգանունը չասացին: Բողոքի ակցիայի մասնակիցները նույնպես չէին ճանաչում ԱԺ պատգամավոր Հրանտ Բագրատյանի ուղղությամբ շիշ նետած քաղաքացուն՝ հավելելով, որ նրան առաջին անգամ են տեսնում: 

14.10 Մեր թղթակիցը Ազգային ժողովի մոտից հայտնում է, որ այս պահին այնտեղ խիստ լարված իրավիճակ է:

«Մենք ենք տերը մեր երկրի» նախաձեռնության անդամները ՀՕՊ համաձանագրի դեմ պայքարը որոշեցին շարունակել ԱԺ Դեմիրճյան մուտքի մոտ, որպեսզի անձամբ պատգամավորներից ստանան իրենց հուզող հարցերի պատասխանները: Լարված իրավիճակ ստեղծվեց այն ժամանակ, երբ ԱԺ պատգամավոր Հրանտ Բագրատյանը բանավիճեց մի քաղաքացու հետ: Բանավեճն այն աստիճան թեժացավ, որ քաղաքացիներից մեկը շշով հարվածեց Բագրատյանի դիմային հատվածին: Քաղաքացուն ոսստիկանները անմիջապես հեռացրին տարածքից եւ բերման ենթարկեցին: Բագրատյանը անընդմեջ կրկնում էր, որ ինքը ՀՕՊ համաձայնագրիընդունմանը դեմ է:

12.00 Ազգային ժողովի դիմաց «Մենք ենք տերը մեր երկրի» նախաձեռնության անդամները` «Չենք հանձնելու մեր երկիրը օտարին» կարգախոսով բողոքի ակցիա են անցկացնում` ընդդեմ հայ- ռուսական հակաօդային պաշտպանության միավորված համակարգի:

Բողոքի ակցայի մասնակիցներն այսօր սկսկելու են անժամկետ նստացույց ԱԺ-ի մոտ, քանի որ արտահերթ նստաշրջանը տեւելու է 4 օր եւ անհայտ է, թե որ օրն է համաձայնագիրը դրվելու քվեարկության: 

«Մենք ենք տերը մեր երկրի» նախաձեռնության տարածած հաղորդագրությունում մասնավորապես ասվում է. «Բողոքի ակցիայի մասնակիցների նպատակն է ամեն գնով թույլ չտալ այս համաձայնագրի վավերացումը: Հայաստանի Հանրապետության իշխանությունները չեն հրաժարվում իրենց դավաճանական քաղաքականությունից ու կրկին Ազգային ժողովի օրակարգում ընգրկել են Հակաօդային պաշտպանության ղեկավարումը Ռուսաստանի Դաշնությանը հանձնելու հարցը:

Շարունակությունը կարող եք կարդալ այստեղ