Հայաստանն՝ աշխարհի ուշադրության կենտրոնում. Հռոմի պապի այցը լուսաբանել են համաշխարհային ամենահեղինակավոր պարբերականները

Panorama.am-ը գրում է.

Հռոմի Սրբազան Քահանայապետ Ֆրանցիսկոս պապի հայաստանյան այցը մի քանի օր է՝ համաշխարհային ամենահեղինակավոր պարբերականների առաջին էջերին է:

Միջազգային առաջատար լրատվական գործակալություններն ու թերթերն առանձնակի ակտիվությամբ անդրադարձան Ֆրանցիսկոս պապի` նախապես պատրաստված ելույթից շեղվելուն և 1915 թվականին Օսմանյան կայսրությունում հայերի բնաջնջման մասին խոսելիս Ցեղասպանություն եզրույթը կրկին օգտագործելու փաստին:

Պապի ելույթի այդ հատվածն անակնկալ էր նաև առաջատար լրատվամիջոցների՝ Հայաստան ժամանած թղթակիցների համար, ովքեր նախքան հրապարակումներ պատրաստելը, հենց Պապի ելույթի ընթացքում սոցցանցի իրենց միկրոբլոգերում մեջբերեցին Պապի խոսքի  այդ անչափ կարևոր պարբերությունը:

Համաշխարհային առաջատար լրատվական գործակալությունների կողմից լայնորեն լուսաբանվեց  նաև էկումենիկ արարողության   ընթացքում Պապի ելույթի այն հատվածը, որտեղ Սրբազան Քահանայապետը հաշտության կոչ արեց Հայաստանին և Թուրքիային, ինչպես նաև խաղաղություն մաղթեց Լեռնային Ղարաբաղին:  ԶԼՄ-ների կողմից առանձնակի ուշադրություն հատկացվեց սուրբ Աթոռի և Մայր Աթոռի հոգևոր առաջնորդների ընդունած համատեղ հռչակագրին, ինչպես նաև Սրբազան Քահանայապետի և Ամենայն Հայոց Կաթողիկոսի կողմից   հայ-թուրքական  սահմանին,  ի նշան խաղաղության, աղավնիներ բաց թողնելու խորհրդանշանակ արարողությանը:

Panorama.am-ը ներկայացնում է ամերիկյան, իտալական, ֆրանսիական, գերմանական, ռուսական, մերձավորարևելյան և թուրքական ամենահեղինակավոր պարբերականների անդրադարձների մի մասը Սրբազան Քահանայապետի Հայաստան այցին: 

Ամբողջական հոդվածը կարող եք կարդալ` այստեղ