Քեմերոնը հայտարարել Է, որ հաջորդ շաբաթ կմասնակցի Եվրախորհրդի նիստին

Մեծ Բրիտանիայի վարչապետ Դեւիդ Քեմերոնը հաջորդ շաբաթ կմասնակցի Եվրախորհրդի նիստին, տեղեկացնում Է «Արմենպրես»-ը:

Հունիսի 24-ին Քեմերոնը հայտարարել Է պաշտոնաթողության մասին, ինչը հետեւել Է ԵՄ-ին Մեծ Բրիտանիայի անդամակցության շուրջ հանրաքվեի արդյունքների հրապարակմանը, որտեղ հաղթանակ են տարել եվրասկեպտիկները:

«Ես հաջորդ շաբաթ պետք Է մասնակցեմ Եվրախորհրդի նիստին, որպեսզի բացատրեմ Մեծ Բրիտանիայի ժողովրդի կողմից ընդունված որոշումը եւ պաշտոնաթողության իմ որոշումը: Բրիտանական ժողովուրդը կատարեց իր ընտրությունը եւ այն պետք Է հարգել»,-ասել Է վարչապետը՝ ելույթ ունենալով Լոնդոնի իր նստավայրում:

Ավելի վաղ Եվրախորհրդի նախագահ Դոնալդ Տուսկը հայտարարել Է, որ ԵՄ-ն հաջորդ շաբաթ առաջին ոչ պաշտոնական գագաթնաժողովը կանցկացնի առանց Մեծ Բրիտանիայի: «Ես ԵՄ-ի պետությունների ղեկավարներին առաջարկել եմ 27 երկրների ոչ պաշտոնական հանդիպում անցկացնել Եվրախորհրդի հունիսի 28-29-ի նիստից առաջ (որին պետք Է մասնակցեր Լոնդոնը)` քննարկելու հետագա գործողությունները»,- ասել Է նա:

ԵՄ-ն Մեծ Բրիտանիայում հանրաքվեի այլ արդյունք Էր սպասում, բայց պատրաստ Է բացասական սցենարին: «Դա պատմական իրադարձություն Է, բայց անհրաժեշտ Է խուսափել հիստերիկ արձագանքից»,-ասել Է Տուսկը:

ԵՄ-ի բոլոր նորմերը կշարունակեն գործել մինչեւ Մեծ Բրիտանիայի դուրս գալու գործընթացի ավարտը, «ոչ մի լեգալ վակուում չի լինելու», հավելել Է Տուսկը: «Այնքան ժամանակ, քանի դեռ Մեծ Բրիտանիան պաշտոնապես չի լքել Եվրամիությունը, ԵՄ-ի բոլոր օրենքներն ու նորմերը կշարունակեն կիրառվել ինչպես Մեծ Բրիտանիայի նկատմամբ, այնպես Էլ նրա տարածքում: Դա վերաբերում Է ինչպես իրավունքներին, այնպես Էլ պարտականություններին»,- նշել Է Եվրախորհրդի նախագահը, հաղորդել Է ՌԻԱ Նովոստին: