Հունիսի 21-ի աստղագուշակ

Խոյ

Օրը բեղմնավոր է այն Խոյերի համար, ովքեր կարիերա են անում, ձգտում լինել ավելի բարձր սոցիալական կամ մասնագիտական շերտում: Աստղերը հուշում են, որ մարդիկ, ումից կախված է ձեր աճը, այսօր բարյացակամ են տրամադրված, և, եթե դուք ինչ-որ հակաօրինական բաներ չեք առաջարկում, ուրախությամբ ձեզ ընդառաջ կգնան: Չարժե արհամարհել հնարավորությունները, որոնք ունեք ձեր ծագման, կրթության կամ հին ընկերության շնորհիվ:

Ցուլ

Ցուլերի համար շատ հաջող օր է: Նույնիսկ խոչընդոտները և որոշ սահմանափակումները ձեր օգտին կլինեն՝ հնարավորություն տալով անհրաժեշտ մարդկանց մոտ ձեզ լավագույն կողմերից ցուցադրել: Հաջող կլինեն և՛ գործնական, և՛ անձնական նախաձեռնությունները: Ձեր գաղափարները և շահերն առաջ տանելու համար բավական կլինի փափուկ ներգործությունը: Հարմար պահ է իրավունքները պաշտպանելու, ազդեցության ոլորտն ընդլայնելու համար:

Երկվորյակ

Երկվորյակները կարող են հաջողությամբ լուծել մի շարք խնդիրներ՝ կապված անշարժ գույքի կառավարման հետ, հարթել տուգանքի, պարտքի, վարկի, աշխատավարձի, եկամտի, փոխհատուցման, ապահովագրության հարցը: Ամենաբարդ իրավիճակները հաջողությամբ կլուծվեն: Չարժե ժամանակ կորցնել, եթե օրակարգում կարևոր, կրիտիկական թեմա է: Իրադրությունից առավելագույնս օգտվելու համար աստղերը խորհուրդ են տալիս հնարավորինս կարգապահ լինել:

Խեցգետին

Խեցգետիններին կարևոր է համագործակցության և խելամիտ զիջումների պատրաստակամություն դրևորել: Հիանալի օր է համատեղ ջանքերի, փոխօգնության համար: Որքան էլ, որ խարիզմատիկ և շնորհալի անձնավորություն լինեք, աստղերն այժմ խորհուրդ չեն տալիս խաղադրույք կատարել միայն սեփական տաղանդի և արտաքին գրավչության վրա: Ուժեղ գործընկերոջ, ազդեցիկ հովանավորի, կոլեկտիվի կամ օրենքի օժանդակությամբ դուք անպարտելի եք:

Առյուծ

Առյուծները հակված են սենտիմենտալության, կարող են կարոտել հարազատ վայրերը, մտերիմ մարդկանց: Հանգամանքների բերումով կարող են իրենց մասին հիշեցնել հին սովորությունները: Արմատների հետ կապը կարող է արտահայտվել դրական պահերում կամ բացասական, օրինակ՝ կախված ձեր անցյալից: Կարող է ուժեղանալ ժառանգության, կենցաղի, ընտանեկան բիզնեսի, տան բարեկարգման հետ կապված հարցերի նկատմամբ ուշադրությունը:

Կույս

Կույսերին սպասվում է հերթական դրական շրջանը, որտեղ ապագան ռոմանտիկ կերպով հանդիպում է անցյալի հետ: Կարող եք ցանկություն զգալ նախկին զբաղմունքին վերադառնալու, մոռացված զգացմունքի թարմացման: Ծանոթ մշակութային կամ կենցաղային միջավայրում հնարավոր են հաճելի փոփոխություններ կամ մոտալուտ առաջընթացի նշաններ: Եթե ապրում եք հայրենիքից հեռու, արժե այցելել ծնողներին, ազգականներին, ընկերներին:

Կշեռք

Կշեռքներին խորհուրդ չի տրվում ժամանակ կորցնել, եթե տվյալ պահին գլխավոր առաջնայնությունը տունն է, կարիերան, ընտանիքը կամ անհատական ինքնարտահայտումը: Կարելի է առաջընթաց ունենալ ծառայություններ մատուցելու, հյուրանոցային գործի, արվեստի, դասավանդման, կենսական անհրաժեշտության ապրանքների առևտրի հետ կապված գործերում: Ցանկացած ոլորտում բարգավաճումը կպահանջի անձնազոհություն, հուսալի թիկունքի առկայություն:

Կարիճ

Կարիճները ոտք են դնում վառ և բեղմնավոր ժամանակահատված, երբ հաղթանակները և նվաճումներն ավելի շուտ սովորական, քան անակնկալ են դառնում: Օգնություն կարող եք ստանալ անսպասելի աղբյուրից, ինչը կլինի ձեր նախկին ջանքերի արդյունքը: Գերազանց պահ է հնարավորությունների ընդլայնմանն ուղղված գործողությունների համար: Նյութական, զգացմունքային և բարոյական աջակցությունը թույլ կտա չմտածել մանրուքների մասին և կենտրոնանալ արժանի, մասշտաբային նպատակների վրա:

Աղեղնավոր

Աղեղնավորներին պետք կգան գործնական և կենցաղային հմտություններ, շուկայական տնտեսության ոլորտում գիտելիքներ: Հարմար պահ է մեծածախ գնումների, խոշոր գործարքների և ներդրումների, կոնկրետ պահանջների համար հավելյալ միջոցներ ստանալու համար: Կարելի է միջոցներ ձեռք բերել վերանորոգման, վերակառուցման, խոշոր նախագծին թափ հաղորդելու համար: Լավ կլինի գնել օգտակար իրեր, սարքեր, տեխնիկա:

Այծեղջյուր

Այծեղջյուրներն այսօր հաջողության գագաթնակետին են: Իրավիճակը բավականին հուսալի է, կարելի է չվախենալ անկյունից հարվածից, վստահել սեփական հոտառությանը և փորձին: Գերազանց օր է ծանոթ աշխատանքը շարունակելու, ռեյտինգը բարձրացնելու, շահեկան համագործակցությունը թարմացնելու, կանգնեցված նախագիծը զարգացնելու, արդարացում, փոխհատուցում, բարոյական կամ իրավաբանական աջակցություն ստանալու համար:

Ջրհոս

Ջրհոսներն այսօր կարող են շատ աշխատանք ունենալ: Գործադրված ջանքերն իզուր չեն կորչի: Կարող եք հաջող լուծում գտնել կենցաղային, բժշկական, ֆինանսական կամ ծառայողական խնդրին: Բացառված չէ, որ ստիպված լինեք ձեզ վրա վերցնել ուրիշի պարտականությունների մի մասը, ինչ-որ մեկին օգնել: Որպեսզի գործերն ավելի հաջող անցնեն, չի խանգարի նորից վերակագնել հարաբերությունները գործընկերների, ենթակաների, մշտական օգնականների հետ:

Ձկներ

Ձկներն ունեն ընտրած ուղղությամբ հերթական վստահ քայլը կատարելու համար բոլոր պայմանները: Ամենը, ինչ այսօր կձեռնարկեք, շահեկանորեն կանդրադառնա ձեր ապագայի վրա: Չարժե ժամանակ վատնել բամբասանքների, երազանքների, կենցաղային մանրուքների վրա, ավելի լավ է հավաքվածություն և նպատակասլացություն դրսևորել: Ցանկալի է լինել ավելի գործնական, հեռատես: Գործնական մտածողությունն ավելի շուտ կգրավի համապատասխան գործընկերների ուշադրությունը ձեզ վրա: