Ինչպես գրավել մարդանց , օրենք , որի մասին քչերը գիտեն

Մարդկանց մեծամասնությունը չգիտի, թե իրականում ինչպիսի ուժ կա իր ներսում։ Մենք միշտ ենթադրում ենք, որ եթե տեղի է ունենում որեւէ զարմանալի կամ անբացատրելի երեւույթ, այլ կերպ ասած՝ հրաշք, դա ոչ այլ ինչ է, քան պարզապես պատահականություն։

Սա նշանակում է, որ մենք մնացել ենք ավանդական մտածելակերպի շրջանակներում. մենք համառորեն մտածում ենք, որ աշխարհում ամեն ինչ որոշվում է արտաքին գործոններով, փոխարենը պետք է ստեղծենք մի աշխարհ, որի արտաքին գործոններն ինքներս ենք ստեղծում։

Ամերիկյան աշխարհահռչակ գիտնական Ռիչարդ Դեւիդսոնը հետազոտել է ութ բուդա կուսակրոնների, որոնց ուղեղը հետազոտվել է կոնկրետ զգացմունքների՝ երջանկության, կարեկցության  կենտրոնացման վրա։
Արդյունքները գերազանցել են գիտնականի սպասումները եւ բերել այն եզրահանգման, որ ինչպես մարմնի կառուցվածքը, այնպես էլ մարդու ուղեղի կառուցվածքը կարելի է փոխել կամքի ուժով։ Ինչպես մարզումներն են ձեւավորում մկանները, այնպես էլ մտավոր վարժությունները ձեւավորում են կոնկրետ երեւույթ։

Հենց դրա վրա էլ հիմնվում է մարդու գրավչությունը։ Որպեսզի ստիպենք, որ այն աշխատի ի օգուտ մեզ, մենք պետք է հասկանանք, թե ինչպես են մեր մարմինն ու բանականությունը հարաբերվում։

Համաձայն գիտնականի, ահա թե ինչ պետք է անել.
1. Հիմնեք հատուկ կապ. մենք ուղեղի հետ նոր կապ ենք ստեղծում նոր ինֆորմացիայի ստացման եւ հետազոտման ճանապարհով։ Ամեն անգամ, երբ մեզ համար նոր փաստ ենք բացահայտում, մեր օրգանիզմում առաջանում է նոր նեյրոնային կապ, ինչի շնորհիվ էլ այն մնում է մեր հիշողության մեջ։ Որքան շատ ենք ուսումնասիրում այդ ինֆորմացիան, այնքան մեծ չափով է այն ամրապնդվում մեր հիշողության մեջ եւ երկար մնում։
Գրավչության կանոնը նույն կերպ է աշխատում։ Եթե երկու շաբաթ շարունակ ամեն օր կենտրոնանաք այն մտքի վրա, որ դուք իդեալական եք եւ այն մտքի վրա, թե ինչպիսին կցանկանայիք լինել, ձեր ուղեղին կսովորեցնեք նոր գիտելիքն ու այդ միտքը կամրապնդեք հիշողության մեջ։ Ձեր «իդեալական տեսակի» տարբերակը կրկնելով՝ ուղեղը կգրանցի այն մտքերում՝ իրականում նախագծելով մարդու այն տեսակը, ինչպիսին ցանկանում եք լինել։

2. Ամրապնդեք մտավոր պատկերը.

Ապացուցված է, որ յուրաքանչյուր նոր մտքի ծագումը օրգանիզմի քիմիական ռեակցիա է։ Սրանից կարելի է գալ այն եզրահանգման, որ եթե մենք նոր միտք կամ զգացմունք ենք արտահայտում, շարունակում ենք զգալ այն էմոցիան, որը վերջինն է տրվել։ Որքան շատ ենք  կառչում մի մտքից, այնքան մեծ է հավանականությունը, որ այն կիրականանա՝ լինի դա դրական, թե բացասական։

3. Համոզվեք, որ ձեր զգացմունքները կառավարվում են մտքերով.

Մենք ապրում ենք մի հասարակությունում, որտեղ բանականությունը մեր մարմնի եւ զգացմունքների ծառան է։ Որպեսզի ստեղծենք սեփական իրականությունը, պետք է հանենք ավտոմատ ծրագրավորված կյանքի մասին միտքն ու այնպես ծրագրավորենք ուղեղը, որպեսզի բանականությունը կառավարի մեր մարմինն ու զգացմունքները, հետեւաբար նաեւ ճակատագիրը։

Օրինակ, երբ դուք անինքնավստահ եք զգում, սկսում եք նույնկերպ անինքնավստահ մտածել, հայացքը եւս այդպիսին է դառնում։ Ուղեղն ավտոմատ հետեւում է այդ կարգավիճակին եւ անինքնավստահությունը վերածվում է ձեր հիմնական կարգավիճակի։ Դուք պետք է կոտրեք ցիկլը,  որպեսզի մտքերը կառավարեն, այլ ոչ թե ենթարկվեն։ Միայն այդ կերպ կարող ենք դառնալ ձեր սեփական կյանքը կերտողը։ Երբ փոխեք ձեր մտքերը, կփոխեք նաեւ ձեր կյանքը։