«Եվրո 2016». Պորտոգալիան ու Ավստրիան ոչ-ոքի խաղացին

 «Եվրո 2016»-ում ավարտվեց խմբայի փուլի  2-րդ տուրը: «Պարկ դե Պրենս»-ում հանդիպեցին Պորտուգալիան և Ավստիան:«Արմենպրես»-ը հայտնում է, որ Պորտուգալիա-Ավստիրա հանդիպումն ավարտվել է  0-0 հաշվով:

Թիմերը խաղադաշտ էին դուրս եկել հետևյալ մեկնարկային կազմերով.

Պորտուգալիա՝ Պատրիսիու, Վիեյրինյա, Ռ. Կարվալյու, Պեպե, Գերեյրո, Մոուտինյո, Անդրե Գոմեշ, Վ. Կարվալյու, Նանի, Ռոնալդու, Կուարեժմա;

Ավստրիա՝  Ալմեր, Կլյային, Պրյոդլ, Հինտերեգեր, Ֆուքս, Բաումգարտլինգեր, Իլսանկեր, Ալաբա, Հարնիկ, Արնաուտովիչ, Զաբիտցեր։

Գլխավոր մրցավար` Նիկոլա Ռիցոլի:

Պորտուգալիա-Ավստրիա  հանդիպաման 1-ին կեսը ամբողջությամբ անցավ Ֆեռնանդու Սանտուշի ֆուտբոլիստների առավելությամբ: Պորտուգալիան հատուկ հանձնարարությամբ էր դուրս եկել խաղադաշտ՝ ամեն գնով առավելության հասնել: Այնուհանանդերձ. առաջին կեսի վտանգավոր գրոհների բացումը կատարեց Ավստրիան  3-րդ րոպեին: Մարտին Հարնիկը եզրից գնդակը ստացավ Պորտուգալիայի հավաքականի տուգանային հրապարակի կենտրոնում, սակայն  գլխի անհանավանական հարվածով վրիպեց: Պորտուգալիան արագորեն անցավ գործի և ստեղծեց իր պահերը: Նանին արդեն 6-րդ րոպեին նպաստավոր դիրքից բարձր հարվածեց: Անցավ ևս 6 րոպե ու նորից Նանին հայտնվեց ուշադրության կենտրոնում: Վերջինս մտավ Ավստրիայի տուգանային հրապարակ, հարվածեց դեպի դարպասը և միայն Ռոբերտ Ալմերը փրկեց Ավստիային, գնդակը կրկին հայտնվեց պորտուգալացիների մոտ և  հետևեց Վիեյրինիայի հարվածը, որից հետո Ալմերը հերթական անգամ տեղում էր: Պորտուգալացիների առաջատար Քրիշտիանու Ռոնալդուն իր մասին հիշեցրեց միայն 22-րդ րոպեին:Նրա հարվածը սուրաց դարպասաձողի կողքով: Պորտուգալիայի կազմում 1-ին կեսի լավագույն ֆուտբոլիստը` Նանին, Ավտրիայի դարպասը նշանառության տակ հերթական անգամ առավ 29-րդ րոպեին: Նրա հարվածից հետո ուղղահայաց դարպասաձողը օգնության հասավ Ալմերին: Ավստրիան  41-րդ րոպեին ստացավ վտանգավոր տուգանային հարվածի իրավունք, որի խաղարկումից հետո Վիեյրինյան հրաշքով գնդակն հանեց դարպասից: 1-ին կեսը այդպես էլ ավարտվեց 0-0 հաշվով:

2-րդ կեսը մեկնարկեց գրեթե նույն սցենարով, ինչ առաջինը: Թիմերը միմյանց դարպասների ուղղությամբ մի քանի առաջխաղացում կատարեցին, սակայն նկատելի հաջողություններ այդպես էլ չգրանցվեցին: 2-րդ կեսի մինչև 75-րդ րոպեն Պորտուգալիան ունեցավ դարպասը գրավելու ընդամենը 2 դրվագ: 2 դեպքում էլ  55-րդ րոպեին ուշադրությունը իր վրա  սևեռեց Ռոնալդուն ու վրիպեց : Իսկ ահա 78-րդ րոպեին Պորտուգալիան վաստակեց 11 մետանոց հարվածի իրավունք: Գնդակին մոտեցավ թիմի առաջատար Ռոնալդուն: Անգամ  մինչ իրացումը զգացվեց, որ Քրիշտինուն անվստահ է: «Ռեալ»-ի առաջատարը հարվածեց, իսկ դարպասաձողը փրկեց Ավստիային: Ֆեռնադու Սանտուշի ֆուտբոլիստները մի քանի անգամ էլ Ավստիարի դարպասը գրավելու փորձեր կատարեցին, սակայն այս երեկո բախտը երես էր թեքել Պորտուգալիայից: Թիմերը կիսեցին միավորը և իրենց խմբում զբաղեցնում են վերջին 2 տեղերը: