Ադրբեջանի իշխանությունները «Ֆորմուլա-1»-ի լուսաբանմանը հավատարմագրել են միայն իշխանամետ ԶԼՄ-ներին
Header
Բաքվում անցկացվող Եվրոպայի Գրան Պրի «Ֆորմուլա-1» մրցարշավի տեղացի կազմակերպիչները «Թուրան» լրատվական գործակալության լուսանկարիչ Ազիզ Քերիմովին չեն հավատարմագրել այդ մրցումների լուսաբանման համար:
Ինչպես հաղորդում է «Արմենպրես»-ը, «Թուրան»-ն այդ առնչությամբ հայտնում է, որ կազմկոմիտեի ներկայացուցիչները երկար ժամանակ հավատացրել են, որ հավատարմագրումն իրենք չեն տալիս, այլ մրցարշավի սեփականատեր Բերնի Էքլսթոունը, եւ պետք է սպասել: Մրցարշավն սկսվելուց մեկ օր առաջ կազմկոմիտեում հայտարարել են, որ ադրբեջանական ԶԼՄ-ների լուսանկարիչներից ոչ մեկը հավատարմագրում չի ստացել, եւ դրա պատճառն իրենց հայտնի չէ:
Սակայն, գրում է գործակալությունը, կազմկոմիտեի ներկայացուցիչը բացահայտ ստում էր, քանի որ հավատարմագրում արդեն ստացել էին իշխանամետ publika.az, moderator.az, azvi
«Դա խոսում է այն մասին, որ կազմկոմիտեն չի ցանկանում «Թուրան»-ի թղթակցին թույլ տալ լուսաբանել մրցումները: Դրա պատճառը, երեւի հանդիսացել են մրցարշավի անցկացման նպատակահարմարության մասին քննադատական նյութերը, որոնք գործակալությունը հրապարակել էր վերջերս»,- գրում է «Թուրան»-ը` նշելով, որ, ինչպես երեւում է, Ադրբեջանի երիտասարդության եւ սպորտի նախարար Ազադ Ռահիմովը եւ նրա թիմը որոշել են այդ կերպ «պատժել» Ադրբեջանի առաջին անկախ լրատվական գործակալությանը:
«Թուրան»-ն ավելի վաղ հայտնել էր, որ մրցարշավի աշխարհի չեմպիոն Լյուիս Համիլտոնը տպավորված չէ Բաքվում մայրուղու որակով: Ru.motorsport.com-ի հետ զրույցում Համիլտոնն ասել է, որ Բաքվի մայրուղին մի քանի անգամ զիջում է Մոնակոյի մայրուղուն:
Միջազգային իրավապաշտպան Freedom House կազմակերպությունը Բաքվում անցկացվելիք «Ֆորմուլա-1» Եվրոպայի Գրան Պրի մրցարշավը մեկնաբանելու մեկնած լրագրողներին կոչ է արել ուշադրություն դարձնել Ադրբեջանի կառավարության ռեպրեսիվ քաղաքականությանը:
1
2
3
4
5
1
2
4
5
3
4
