«Մեղվի փեթակ» սանրվածքի պատմությունը: Սանրվածք` վեր բոլոր տենդենցներից
Life
Մահացել է “Մեղվի փեթակ” կոչվող հայտնի սանրվածքի հեղինակ Մարգարեթ Վինչի Հելդթը:
Երբ Չիկագոյում աշխատող վարսահարդար Մարգարեթ Վինչի Հելդթը 1960 թվականին ստեղծեց “Մեղվի փեթակ” սանրվածքը, նա չէր էլ մտածում, որ այսօր՝ 60 տարի անց, մենք դեռ քննարկելու ենք այդ սանրվածքը:
Ոգեշնչված ֆես ոճի գլխարկներով, որը 1960-ականներին հայտնի էր դարձել Ջաքի Օնասիսի շնորհիվ, Մարգարեթ Վինչի Հելդթը զարգացրեց “Մեղվի փեթակի” սանրվածքը:
Այս սանրվածքը կարելի է նմանեցնել, օրինակ, Արետա Ֆրանկլինի և շատ այլ 60-ականների աստղերի սանրվածքին, սակայն այդ սանրվածքը ավելի լավ պահպանվել է Էմի Ուայնհաուսի, Ադելի, Մարջ Սիմսոնի, և Մոսկինոյի այս տարեսկզբի հավաքածուի շնորհիվ: Եվ, միևնույնն է, անցնելով այս երկար ճանապարհը՝ այս ոճը կայուն է մնացել ցանկացած էվոլյուցիայի, մոդերնիզացման և նույնիսկ տենդենցների դեմ՝ շրջանցելով նորաձևությանը:
Բրիժիտ Բարդոյի գզգզված “Մեղվի փեթակի” սանրվածքին տվել էին choucroute մականունը, որը դեռ շատ երկար ժամանակ մնաց նրա հետ:
Իսկ Էմի Ուայնհաուսի այս սանրվածքը դարձել էր նրա այցեքարտը, և ուներ իր խորհուրդը: “Ինչքան շատ էի ինձ անապահով զգում, այնքան մեծ ծավալ էր ունենում իմ սանրվածքը,” – ասում էր երգչուհին:
Իսկ Ջերեմի Սքոթի`Մոսկինոյի համար ձևավորած հավաքածուն ռետրո ոճի և կանացիության գեղեցիկ համադրում է, ուստի, “Մեղվի փեթակի” սանրվածքի առկայությունը այդ հավաքածուի մեջ բոլորովին պատահական չէր:
Մարիամ Ղուշչյան
1
2
3
4
5
1
2
3
4
5
1
3
4
5
