Հարավային Օսիայի խորհրդարանը քննարկելու Է հայերի ցեղասպանության ճանաչման հարցը

Հարավային Օսիայի խորհրդարանն առաջիկա նիստում քննարկելու Է 2015 թվականին Օսմանյան կայսրությունում հայերի ցեղասպանության ճանաչման հարցը, տեղեկացնում Է «Արմենպրես»-ը:

«Հայ ժողովրդի ցեղասպանության ճանաչումը Հարավային Օսիայի օրենսդիր մարմնում քննարկվել Է դեռ անցյալ տարի, սակայն հայ համայնքի պաշտոնական դիմումը խորհրդարանն ստացել Է հունիսի 14-ին»,-հունիսի 15-ին «Ինտերֆաքս»-ին հայտնել Է խորհրդարանի մամուլի ծառայությունում:

Գործակալության զրուցակիցը ճշտել Է, որ հարցն առաջիկա նստաշրջանի նիստում կներկայացվի օրենսդրության, օրինականության եւ տեղական ինքնակառավարման կոմիտեի ղեկավար Օլեսիա Կոչիեւայի կողմից:

«Առանձին պատգամավորներ նշում Էին, որ Հայաստանը եւս պետք Է ճանաչի օս ժողովրդի ցեղասպանությունը, բայց դա սկզբունքային չԷ: Սկզբունքայինն այն Է, որ հայ համայնքի ներկայացուցիչները հարավօսական հասարակության լիիրավ անդամներն են, նրա բազմաթիվ ներկայացուցիչներ կռվել են մեր հանրապետության ազատության ու անկախության համար, մեզ հետ միասին կրել պատերազմական տարիների դժվարությունները, իսկ նրանցից ոմանք այն հայերի հետնորդներն են, որոնք փրկվել են ցեղասպանությունից»,-նշել են մամուլի ծառայությունում:

Խորհրդարանականների կարծիքով՝ եթե օրենսդիրները դրական որոշում ընդունեն, ապա «կվերականգնվի պատմական ու մարդկային արդարությունը եղբայր ժողովրդի նկատմամբ, որը, ինչպես եւ Հարավային Օսիայի ժողովուրդը, ապրել Է ցեղասպանության սարսափը»: