Երիտասարդ դերասան Հայկ Չոմոյանը Life.panorama.am-ին այսօր պատմեց, որ «Հարազատ թշանամի» հեռուստասերիալից հետո որոշել է կենտրոնանալ թատրոնի վրա. «Այս պահին շատ հեռուստատեսային առաջարկներ ունեմ, բայց որոշել եմ որոշ ժամանակ կենտրոնանալ թատրոնի վրա, քանի որ նոր եմ այդ մեծ աշխարհ մուտք գործում. այսուհետ ինձ կարող են տեսնել Հակոբ Պարոնյանի անվան երաժշտական կոմեդիայի պետական թատրոնի բեմում»,- նշեց դերասանը:
Հայկը նշեց նաև, որ առաջարկներ ստանալիս, իր համար կարևոր չէ, թե ում կողմից է այն ստանում. «Ինձ համար ոչ թե գլխավորը հեռուստատեսությունն է, ով առաջարկ է ինձ անում, այլ այն գործը, որտեղ ներգավված կլինեմ ես, կարևորը գործի լրջությունն է և արտադրանքի պիտանելիությունը»,- ընդգծեց նա:
Իր կերտած դերերի և առաջիկա դերերի մասին խոսելիս էլ Հայկը նկատեց, որ այս առումով երազանքներ չունի. «Ինձ համար երազանք է յուրաքանչյուր դեր, որ ես կարող եմ կերտել, և տարբերություն էլ չկա, թե ինչ կերպար եմ մարմնավորում, ես պարզապես սիրում եմ իմ աշխատանքը»,- նշեց դերասանը:
Հանրության կողմից մշտապես տարբեր հայտնի կանանց հետ դերասանին սիրավեպեր վերագրելու միտումը Հայկը բացատրեց այսպես. «Չգիտեմ ինչու են մարդիկ ինձ անընդհատ նոր սիրավեպեր վերագրում, այդ հարցի մասին չեմ էլ մտածել, բայց կարծում եմ, դա մի երևույթ է, որը կապված է հանրային մարդկանց հետ, բոլոր դերասաններին և առհասարակ մի փոքր հայտնի մարդկանց մասին հաճախ են նման լուրեր տարածվում»:
Դերասանի սիրտն այս պահին զբաղված է, թե ոչ, Հայկը պատասխանեց. «Դեռ պարզ չէ»:
Իսկ թե ինչպիսին պետք է լինի նա և արդյոք հնարավոր է, որ իր երկրպագուներից մեկը այդ տեղը զբաղեցնի, Հայկ Չոմոյանը պատասխանեց. «Վիզուալ առումով ինձ թվում է պարզ է, թե ինչպիսին եմ պատկերացնում նրան, ինձ համար ամենակարևորը այն է, որ նա պետք է ունենա երկար վարսեր, նաև պետք է ինձ համար շատ լավ ընկեր լինի, բայց, ցավոք, չեմ կարող իմանալ, ի վերջո այն միակը երկրպագուհի կլինի, թե տոմսավաճառուհի»:
1
2
3
4
5
1
2
3
4
5
5
