Առավոտյան 10 ծես, որ իրականացնում են հաջողակ մարդիկ

Առավոտյան մենք ողջ օրվա համար էներգիա ենք ստանում, և հենց դա է պատճառը, որ պետք է ճիշտ սկսել առավոտը: Առաջարկում ենք ծանոթանալ համաշխարհային բիզնեսի հաջողակ լիդերների առավոտյան ծեսերին:

Ջեֆ Բեզոս

Amazon.com-ի հիմնադիրը խոստովանում է, որ քնում է ամենաքիչը 8 ժամ և երբեք չի նշանակում առավոտյան հանդիպումներ: Առավոտյան աշխատելու փոխարեն՝ նա նախընտրում է նախաճաշել իր կնոջ հետ:

Գարի Վայներչուկ

Հանրահայտ վիդեո-բլոգեր, «Wine Library» սուպերմարկետի հիմնադիր Գարի Վայներչուկն արթնանում է առավոտյան 6-ին և առանձնանում է սանհանգույցում, որպեսզի կարդա նորությունները: Վայներչուկը տանից դուրս գալիս երկար գրկում է իր երեխաներին, իսկ ճանապարհին զանգահարում է ընտանիքի անդամներից մեկին:

Իլոն Մասկ   

Ինժեներ, ձեռնարկատեր, միլիարդատեր Իլոն Մասկը մինչև ժամը 10:00-ը չի կատարում գործնական զանգեր: Դրանից հետո նա առաջին հերթին՝ զանգահարում է իր ընկերության լրագրողներին կամ նշանավոր ներկայացուցիչներին:

Միշել Ֆան

Միշել Ֆանը, ով հայտնի է դարձել Youtube-ի միջոցով, խոստովանում է, որ երբեմն ստիպված է արթնանալ 5:30-ին, որպեսզի պատասխանի իր հետևորդների հազարավոր նամակներին:

Բենջամին Ֆրանկլին

Ամերիկայի նախագահը նշել է, որ պետք է շուտ արթնանան բոլոր նրանք, ովքեր ցանկանում են ինչ-որ նոր բան ստեղծել: 1791 թվականին իր հուշերում նա գրել է, որ իր հիմնական պարտավորությունն է համարում ամեն օր շուտ արթնանալը, լվացվելը և Աստծուն շնորհակալ լինելը:

Արիանա Հաֆինգթոն

Huffington Post-ի համահիմնադիր Արիանա Հաֆինգթոնը հավատում է քնի ուժին: Նա ոչ մի դեպքում չի կրճատում գիշերային հանգիստը և քնում է 8 ժամ: Քնելուց առաջ նա լոգանք է ընդունում ծովի աղով և լսում է հաճելի երաժշտություն: Առավոտը նա սկսում է կես ժամ մեդիտացիայով:

Թորի Բըրչ

Հագուստի անվանական բրենդի հիմնադիրն արթնանում է 5:45-ին, ստուգում է էլեկտրոնային փոստը, արթնացնում է իր 3 երեխաներին և 45 րոպե զբաղվում է սպորտով: Նա հաճախ տանից դուրս է գալիս թաց մազերով և չորացնում է ճանապարհին:

Ջեկ Դորսի

Twitter-ի հիմնադիր Ջեկ Դորսին արթնանում է առավոտյան 5:00-ին և առաջին կես ժամերը տրամադրում է մեդիտացիային: Այնուհետև նա զբաղվում է սպորտով և իր համար սուրճ է պատրաստում:

Սթիվ Ջոբս

Սթիվ Ջոբսն իր ելույթներից մեկում նշել է, որ ամեն առավոտ արթնանում էր նույն հարցով՝ եթե այս օրը վերջինը լինի իմ կյանքում, կուզեի՞ անել այն, ինչ պլանավորել էի: Եթե այս հարցի պատասխանը մի քանի օր բացասական էր լինում, ուրեմն պետք էր ինչ-որ բան փոխել:

Ռիչարդ Բրենսոն

Բրիտանացի գործարարը նշում է, որ իր համար շատ կարևոր է ամեն առավոտ ժամը 5:00-ին արթնանալը: «Այդպես ես հնարավորություն եմ ունենում հետևելու ֆիզիկական վիճակիս և ժամանակ անցկացնելու ընտանիքիս հետ: Դա էներգիա է հաղորդում ողջ օրվա համար»,- նշում է Բրենսոնը:

Սիրարփի Աղաբաբյան

Աղբյուրը` 168.am :