Երջանիկ կանայք երբեք չեն ընդվզում

Գիտե՞ք, ես երբեք չեմ տեսել հարաբերությունների մեջ երջանիկ կնոջ, որը ցանկանար պայքարել իր անկախության համար, տղամարդու հետ համահավասար ծանրություններ քարշ տալ, հավասարաչափ կիսել բիզնեսի դժվարությունները եւ այլն: Վայրի, ազատ կանա՞յք: Այո, խնդրեմ:

Եթե ուզում եք, իհարկե կարելի է եւ ազատություն ստանալ եւ փախչել սեփական բնությունից:

Բայց իմ եւ հարյուրավոր կանանց օրինակով տեսնում եմ, որ որքան ավելի ես մոտենում սեփական էությանը, այնքան հասկանում ես, թե իրականում ինչ է կանացի լուսնային էությունը:

Խաղաղվածությունը կնոջ հիմնական վիճակն է: Խաղաղվածությունը եւ սեփական արժանապատվության բարձր զգացումը: Նման վիճակում ընդհանրապես չես ուզում վիճել: Որովհետեւ ուղղակի հասկանում ես, թե ինչ է նշանակում «Կինը հաղթում է առանց մարտի»: Նվերնե՞ր, ըմբռնո՞ւմ, սե՞ր: Արժանի՞ լինել այդ ամենին: Ոչ: Դու ստիպված չես լինում ոչնչի արժանանալ: Ամեն ինչ ինքն իրեն գալիս է: Խոսքը կանացի համակերպման եւ կյանքին վստահելու մասին է:

Եթե քո ներսում դրված է, որ «ինձ հոգ տանող կա», կյանքը շտապում է այդ ամենը դրսեւորել քո իրականության մեջ: Երբ հայտնվում ես տղամարդկանց շրջապատում, որոնք առատորեն քեզ ջերմություն եւ ուշադրություն են նվիրում, երբ անընդհատ քեզ անվտանգ եւ պաշտպանված ես զգում, երբ կողքիդ այնպիսի մարդ կա, որն ուրախ է պատասխանատվություն ստանձնել եւ բիզնեսի, եւ ընտանիքի, եւ շրջակա բոլոր խնդիրների լուծման համար, հավատացեք, ընդվզման ցանկություն չի լինում:

Երջանիկ կանայք չեն ընդվզում: Երջանիկ մարդիկ ոչ մեկի հետ չեն մրցակցում: Նրանց կյանքում առանց այն էլ ամեն ինչ լավ է: Ավելին, երջանիկ կնոջը հազիվ թե կարողանա նյարդայնացնել սեփական դիրքորոշումից տարբեր դիրքորոշումը: Խաղաղվածությունը եւ ներքին անդորրը այնպիսի վիճակ է, որը կախված չէ արտաքին պայմաններից: 
Իսկ իրականում այդ ամենը կյանքում պատահում է այն ժամանակ միայն, երբ դու ինքդ Կին ես դառնում: Կանացի էներգիայի համար ջանքեր պետք չեն, ամեն ինչ ինքն իրեն է լինում: Որովհետեւ քո մեղմությունը եւ հանգիստ ինքնավստահությունը ձգում է աներեւակայելիորեն առնական, առատաձեռն եւ ինքնավստահ տղամարդկանց: Կյանքն այդպես է ստեղծված: Դրանում ամեն ինչ արտացոլում է: Եվ ամեն ինչ փաստերից է կախված: Եթե շրջապատը դուր չի գալիս, քեզ նայիր: Եթե քեզ փոխես, շուրջն ամեն ինչ կփոխվի:

Եթե կանացիության ես ձգտում, շուրջը տղամարդիկ առնականանում են: Եթե չեն առնականանում, արժե ավելի ազնվորեն նայել քեզ: 
Կանացի էությունը Կին լինելն է: Կանացի էությունը Մայր լինելն է: Կանացի էությունը ջերմությունն է, տունը, խաղաղվածությունը, շրջապատող ներդաշնակությունը եւ գեղեցկությունը: Եվ իհարկե, կանացի ինքնաիրացումը: Բայց դա ոչ մի կերպ կապված չէ քո իրավունքների ոտնահարման դեմ ընդվզման հետ: 
Կնոջ հոգեբանական ուժն այնքան մեծ է, որ նա կարիք չունի ավելորդ ջանքեր գործադրելու: Դու ստանում ես հենց այն, ինչ ցանկանում ես: Դա կանացի ուժն է: Եթե չես ստանում, դա եւս կանացի ուժից է կախված: