Իսրայելը հարյուրավոր զինծառայողներ կուղարկի Արեւմտյան ափ

Իսրայելի իշխանությունները մի քանի հարյուր զինծառայողներ կուղարկեն Հորդանան գետի Արեւմտյան ափ Թել Ավիվում կատարված հարձակումներից հետո, որոնց հետեւանքով զոհվել Է չորս մարդ, տեղեկացնում Է «Արմենպրես»-ը՝ հղում անելով BBC-ին:

Ինչպես նշվում Է իսրայելական բանակի հաղորդագրության մեջ, Պաղեստինի տարածքներ կուղարկվեն երկու լրացուցիչ գումարտակներ: Զինվորականների ստույգ թիվը, որոնց պլանավորվում Է ուղարկել Արեւմտյան ափ, չի նշվում:

Նաեւ հաղորդումներ են ստացվում այն մասին, որ իսրայելական զորքերն սկսել են շրջապատել Արեւմտյան ափի Յաթա քաղաքը, որտեղ ապրում Էին հարձակումների մեջ կասկածվող երկու անձինք:

Հունիսի 8-ի երեկոյան երկու զինված պաղեստինցիներ կրակ են բացել «Սորոնա» առեւտրական կենտրոնի այցելուների վրա, որը գտնվում Է Թել Ավիվի կենտրոնական մասում, Իսրայելի պաշտպանության նախարարության համալիրի մերձակայքում: Դրա հետեւանքով սպանվել Է չորս մարդ, եւս հինգը ծանր վերքեր են ստացել: Երկու ահաբեկիչները ձերբակալվել են ոստիկանության կողմից:

Ահաբեկչության պատասխանատվությունն ստանձնել Է  պաղեստինյան ՀԱՄԱՍ շարժման մարտական թեւը՝ «Իզեդին ալ Քասամի բրիգադներ» խմբավորումը

Ֆրանսիայի նախագահ Ֆրանսուա Օլանդը դատապարտել Է հունիսի 8-ին Թել Ավիվում կատարված ահաբեկչական գործողությունը, եւ աջակցություն հայտնել Իսրայելին ահաբեկչության դեմ պայքարում: «Հանրապետության նախագահն ամենայն լրջությամբ դատապարտում Է Թել Ավիվում կատարված ահավոր հարձակումը, որի հետեւանքով առնվազն չորս մարդ Է զոհվել եւ տասնյակ մարդիկ  վերքեր են ստացել: Ֆրանսիան ցավակցում Է զոհվածների ընտանիքներին եւ իր աջակցությունն Է հայտնում Իսրայելին ահաբեկչության դեմ մղվող պայքարում»,-ասված Է նախագահի հայտարարության տեքստում:

ԵՄ-ի արտաքին քաղաքական գերատեսչությունը հունիսի 9-ին Բրյուսելում տարածված հայտարարության մեջ նշել Է, որ նախօրյակին Թել Ավիվում կատարված ահաբեկչության պատասխանատուները պետք Է դատապարտվեն օրենքով եւ հասարակայնության կողմից: