Հայաստանն իր տեղն է գտել թվային տնտեսության և ինովացիոն համակարգերի զարգացման նոր օրակարգում

 ԵՄ Արևելյան գործընկերության անդամ երկրների և ԵՄ անդամ 28 երկրների տեղեկատվական և հաղորդակցման տեխնոլոգիաների ոլորտը կարգավորող նախարարների մասնակցությամբ Լյուքսեմբուրգում մեկնարկել է Արևելյան գործընկերության «Թվային տնտեսություն» խորագրով առաջին նախարարական համաժողովը:

Հայկական կողմից միջոցառմանը մասնակցել են ՀՀ էկոնոմիկայի նախարար Կարեն  Ճշմարիտյանը,  Հայաստանի զարգացման հիմնադրամի գործադիր տնօրեն Արման Խաչատրյանը, ԵՄ-ում ՀՀ առևտրական ներկայացուցիչ Վարոս Սիմոնյանը:   

Ինչպես տեղեկացրին ՀՀ էկոնամիկայի նախարարության տեղեկատվության եւ հասարակայնության հետ կապերի բաժնից, համաժողովին նախարար Կարեն  Ճշմարիտյանը հանդես է եկել ելույթով և հայտնել, որ ՀՀ կառավարությունը մեծապես կարևորում է Հայաստանում թվային տնտեսության և ինովացիոն համակա րգի զարգացումը` որպես ՀՀ տնտեսության արտադրողականության և մրցունակության բարձրացման հիմնական գործոն:

Նախարար Ճշմարիտյանն ընդգծել է Հայաստանի կառավարության պատրաստակամությունը`  համագործակցելու ԵՄ և Արևելյան գործընկերության անդամ երկրների հետ` թվային տնտեսությունների ներդաշնակեցման ու ինտեգրման ուղղությամբ: 
Կարեն Ճշմարիտյանը հավելել է, որ համաժողովը առանձնահատուկ հարթակ է թվային տնտեսությունների զարգացման ոլորտում առկա մարտահրավերների, հետագա զարգացման հնարավորությունների քննարկման և փորձի փոխանակման համար:

Նախարարական համաժողովի շրջանակում ընդունվել է Թվային տնտեսության վերաբերյալ հռչակագիրը, որի դրույթներն ուղղված են համախմբելու ԵՄ և Արևելյան գործընկերության անդամ երկրների համատեղ ջանքերը` թվային տնտեսության ոլորտում փոխգործակցության ապահովման նպատակով: Հռչակագրով, մասնավորապես, նախատեսվում է համագործակցություն հետևյալ հիմնական ուղղություններով` էլ. կառավարման ենթակառուցվածք, էլ. ծառայություններ, կիբեռանվտանգություն, տվյալների գաղտնիության ապահովում և պաշտպանություն, անվտանգ էլ. նույնականացում, էլ. առևտուր, թվային կարողությ ունների զարգացում և այլն:

Համաժողովի ընթացքում ԵՀ Եվրոպական հարևանության քաղաքականության և ընդլայնման բանակցությունների հարցերով Գլխավոր տնօրինության Արևելյան հարևանության տնօրեն Գերհարդ Շուման-Հիցլերը և «GEANT» ասոցիացիայի նախագահ Պիեր Բրույեռը պայմանագիր են ստորագրել «[email protected] » ծրագրի վերաբերյալ: 

Ծրագրի իրականացման արդյունքում ակնկալվում է ապահովել արդյունավետ վիրտուալ համագործակցություն արևմտյան գործընկերների շուրջ 2 միլիոն հետազոտողների և ուսանողների միջև` տարածաշրջանային և համաշխարհային նշանակ ության գիտական խնդիրների լուծման համար, վերացնել տարածաշրջանային վիրտուալ համագործակցության համար առկա տեխնիկական խոչընդոտները, աջակցել ժամանակակից գործիքների տրամադրմանը` Արևելյան գործընկերության անդամ երկրներում բարձրորակ աշխատուժի պահպանման նպատակով, խթանել Արևելյան գործընկերության անդամ երկրներում ՏՏ կրթական և հետազոտական համակարգերի արդիականացմանն ուղղված ներդրումները:

Աղբյուրը՝ Orer.am