Կարկուտից Արագածոտնում վնասվել են ծիրանի, խնձորի, խաղողի այգիներ եւ ցորենի ցանքատարածքներ

Հայաստանի ԱԻՆ- հայտնում է , որ հունիսի 4-ին, ժամը 17.58-ին տեղեկատվություն է ստացվել, որ ժամը 17.42-ից մինչեւ 17.51-ը տեղացած կարկուտի հետեւանքով վնասվել են Արագածոտնի մարզի Սասունիկ գյուղի ցանքատարածքները:

Դեպքի մասին տեղեկացվել է մարզպետարանի գյուղատնտեսության եւ բնապահպանության վարչության պետը:

Նախնական տվյալներով գյուղում կարկուտից մասամբ վնասվել են ծիրանի (9 հա), խնձորի (7.5 հա), խաղողի (100 հա) այգիներ եւ ցորենի ցանքատարածքներ (23 հա):

Վնասի չափերը պարզելու համար կկազմվի հատուկ հանձնաժողով:

Նշված տարածքը ԱԻՆ հիդրոմետ ծառայության կողմից չի վերահսկվում:

Հունիսի 4-ին, ժամը 17.50-ին տեղեկատվություն է ստացվել, որ Արագածոտնի մարզի Աշտարակ քաղաքի Արայի 2 թաղամասում ժամը 17.40-ի սահմաններում տեղացած կարկուտի հետեւանքով վնասվել է խնձորի այգի (մոտ 1 հա):

Դեպքի մասին տեղեկացվել են Աշտարակի քաղաքապետի տեղակալը, քաղաքապետարանի քաղաքաշինության եւ հողօգտագործման բաժնի, մարզպետարանի գյուղատնտեսության եւ բնապահպանության վարչության պետերը:

Աշտարակի քաղաքապետարանի քաղաքաշինության եւ հողօգտագործման բաժնի պետից տեղեկատվություն է ստացվել, որ Ս. Ն.-ին պատկանող ջերմոցում վնասվել է հատիկավոր մշակաբույս (լոբի)՝ մոտ 100 քմ:

Վնասի չափերը պարզելու համար կկազմվի հատուկ հանձնաժողով:

Նշված տարածքը ԱԻՆ հիդրոմետ ծառայության կողմից չի վերահսկվում: