Դիմակը չի փրկի Արթուր Բաղդասարյանին

Կարեն Միկոյանը ֆեյսբուքյան իր էջում գրում է.

Քաղաքական դաշտում վերադասավորումները շարունակվում են: Որոշ ուժեր հանդես են գալիս նոր քաղաքական ծրագրերով, ստեղծում են նոր միավորումներ, իսկ երբեմնի քաղաքական կերպարները էլ կարծես հայտնվել են խաղից դուրս վիճակում:

Օրինաց Երկիր խմբակցության ղեկավար հեղինե Բիշարյանն այսօր լրագրողների հետ զրուցել է իրենց նոր քաղաքական միավորի` Հայակական վերածննդի մասին, ինչպես նաև անդրադարձել է ապագայում նախատեսվող ծրագրերին: 
Բիշարյանը խոսքով Արթուր Բաղդասարյանը կարող է հիմնել նոր կառույց և համախմբել ուժերին: Պատգամավորը ասել է. «Դա շատ լավ գաղափար է, և մենք ամեն ինչ անելու ենք, որ իսկապես առաջիկա ընտրություններին այդ համախմբումը բերի լուրջ հետևանքներ»:

Բացի դա նա հայտարարել է, որ հետագայում այդ միավորումը կդառնա քաղաքական մեկ կառույց: Այսիքն ստացվում է, որ մոտ ապագայում հնարավոր է ՕԵԿ-ը դե ֆակտո լուծարվի` անվանափոխվելով «Հայկական վերածննդ»: 
Ակնհայտ է, որ ՕԵԿ-ականները քաջ գիտակցում են, որ իրենց անունը վաղուց արժեզրկվել է հանրության շրաջանակներում: 
Նոր կառույցով հանդես գալը խնդիր ունի ֆոն ստեղծել, թե համախմբված են և սա բոլորովվին նոր քաղաքական միավոր է` ուրիշ քաղաքական տեսլականով:

Ցավոք, Արթուր Բաղդասարյանը չի կարող փախչել իր իսկ քաղաքական անցյալից: Պետք է ի վերջո գիտակցել, որ նոր կառույցներով հանդես գալը, չի ջնջում Բաղդասարյանի վրա դրոշմած պիտակները: Վստահությունը վերականգնելու համար, հարկավոր է փոխել ոչ թե կուսակցության անունը, այլ Արթուր Բաղդասարյանի բնավորությունն ու գործելաոճը: