Կարիերիստ Արթուր Բաղդասրյանը

Մարինա Ներսեսյանը ֆեյսբուքյան իր էջում գրում է.

Այսօր Ազգային ժողովում ճեպազրույցի ժամանակ ՕԵԿ խմբակցության ղեկավար Հեղինե Բիշարյանը անդրադարձել է մի քանի անչափ հետաքրքիր թեմաների:

Պատգամավորը, պատասխանելով այն հարցին,թե հնարավո՞ր է, որ Արթուր Բաղդասարյանը հրաժարվի ՕԵԿ նախագահի պաշտոնից և ղեկավարի «Հայկական վերածնունդ» միավորումը նշել է, որ դա համախմբում չէ ՕԵԿ-ի շուրջ, դա հետագայում դառնալու է մեկ միավոր: Այսինքն ամենայն հավանականությամբ բոլոր կառույցները կղեկավարի անձամբ Արթուր Բաղդասարյանը:
Ինչպես նաև, ըստ Բիշարյանի, երկրին հարկավոր է և՛ նոր նախագահ, և՛ նոր վարչապետ:

Հետաքրքիր է... Այնպիսի տպավորություն է, որ Բաղդասարյանը պարզապես սիրում է «նախագահ» բառը: Այդ իսկ պատճառով, նոր քաղաքական միավորներ է ստեղծում, որպեսզի վերջում ստանձնի բոլորի նախագահների պաշտոնները: Ինչքան շատ կառույցի նախագահ լինի Բաղդասարյանը, այնքան լավ: Իսկ այդ կառույցը կարող է լինել անգամ համատիրության աշխատանքները վերահսկող ինչ-որ մարմին կամ միջատների պաշտպանության որևէ ՀԿ:

Ինձ մշտապես հիացրել է Օրինաց Երկիր կուսակցության անդմաների պատկերացումները պետական համակարգի, կառավարման սիստեմի վերաբերյալ: Կարծում եմ, եթե ՕԵԿ-ում պատահական ոսկե ձկնիկ հայտնվեր, ապա Օրինացի անդամները ձկանը կխնդրեին այնպես անել, որ Հայաստանում նախագահի, վարչապետի, ԱԺ նախագահի, պաշտպանության նախարարի, թաղապետերի պաշտոնները զբաղեցնի մի անձ և այդ գործիչը լինի Բաղդասարյան Արթուրը: