Ռուբեն Մելքոնյանը Բունդեսթագի կողմից Ցեղասպանության ճանաչումն անկյունաքարային է համարում

 Գերմանիայի Բունդեսթագի կողմից Հայոց ցեղասպանության ճանաչումն ունի հետաքրքիր և բազմավեկտոր նշանակություն: Հայոց ցեղասպանության  միջազգային ճանաչման համատեքստում փաստը շատ կարևոր և անկյունաքարային է: Հունիսի 4-ին լրագրողների հետ հանդիպմանն այս մասին ասաց ԵՊՀ արևելագիտության ֆակուլտետի փոխդեկան, թուրքագետ Ռուբեն Մելքոնյանը: «Ես կարծում եմ, որ այս հարցն առավելապեստեղավորվում է բարոյական, քաղաքական մեսիջների հարթության մեջ:Կարծում եմ նաև, որ ավելորդ ոգևորությունը, այն էյֆորիան, որը շատհաճախ տիրում է տարբեր շրջանակներում, անտեղի է, քանի որ սաայնպիսի մի տեքստ է, որից ամեն մի կողմ փորձում է իր համար որոշակիօգուտներ քաղել և օգուտներ տեսնել: Մասնավո րապես, եթե խոսենքհայկական օգուտների մասին, ապա կարող ենք ֆիքսել,  որ Հայոցցեղասպանության խնդիրն առնվազն երկու-երեք օր գտնվում էմիջազգային մամուլի, հասարակական-քաղաքական շրջանակներիուշադրության կենտրոնում, ինչը լայնացնում է Ցեղասպանությանճանաչման ընկալման աշխարհագրությունը և շատ հետաքրքիրքննարկումների առիթ է դառնում հենց Թուրքիայում»,- «Արմենպրես»-ի հաղորդմամբ՝ նշեց թուրքագետը:

Նրա խոսքով՝ հետաքրքիր է այն, որ թուրքական մամուլը, չնայած առաջնորդվում է ժխտողականության սկզբունքով, բայց, այնուամենայնիվ, այնտեղ նույնպես Հայոց ցեղասպանության խնդիրն ուղղակի, թե անուղղակի բավականին ակտիվ արծարծվում է: «Միևնույն ժամանակ, այս հարցը ի ցույց է դնում թուրքական պետական մեքենայի, պաշտոնյաների մոտեցումների անհամաչափությունը եվրոպական համամարդկային արժեքներին, ինչի վկայությունն են Թուրքիայի նախագահի, վարչապետի, մյուս պաշտոնյաների հայտարարությունները: Բայց եթե հարցը դիտարկենք այն տեսանկյունից՝ ինչո՞ւ Գերմանիան և ինչո՞ւ հենց հիմա, չենք կարող անտեսել այն փաստը, որ գերմանա-թուրքական, ինչպես նաև ԵՄ-Թուրքիա հարաբերությունները գտնվում են բավականին բարդ փուլում, և Եվրոպային անհրաժեշտ են զսպող մեխանիզմներ: Ես կարծում եմ, որ ամենևին պատահական չէ միգրանտների խնդրի ծավալման համատեքստում ընդունված այս բանաձևը»,- ասացՄելքոնյանը:

Թուրքագետը ևս մեկ անգամ կոչ արեց  հեռու մնալ բարոյական հաղթանակների մոլուցքից և այս ճանաչումը դիտարկել որպես Գերմանիայի քննություն դեմոկրատական և համամարդկային արժեքների: Նա հավելեց, որ ավելի կարևոր է համարում հաջորդ քայլը՝ Գերմանիայի արխիվներում շատ կարևոր փաստաթղթեր կան, ժամանակն է դրանք հանել որպես իրողության ապացույց, որպես Հայոց ցեղասպանության փաստագրական հենքն ավելի ամրագրելու միջոց:

Գերմանիայի Բունդեսթագը հունիսի 2-ին ընդունեց Հայոց ցեղասպանության ճանաչման բանաձևը, որն ունի «1915 7 1916 թթ. հայերի և մյուս քրիստոնյա փոքրամասնությունների ցեղասպանության հիշատակի և ոգեկոչման մասին» անվանումը: Բանաձևն ընդունվեց ունենալով ընդամենը մեկ դեմ, մեկձ եռնպահ ձայն: Ելույթ ունեցողները միաձայն ընդգծում էին անցյալի հետ առերեսման անհրաժեշտությունը, նաև` Հայաստանի և Թուրքիայի հաշտեցման գործընթացին նպաստելումղումները: Բունդեսթագում բարձրաձայնվեց Օսմանյան Թուրքիայի ոճրագործության մասին` նշելով, որ Գերմանիայի քայլը ոչ թե հայց է և մեղադրանք, այլ խոնարհում զոհերի հիշատակի առջև: Գերմանիայի խորհրդարանն ընդունեց նաև սեփական երկրի մեղսակցությունը Հայոց ցեղասպանության հարցում: