Բոլորն անկեղծ «տժժում» էին. Աննա Խաչատրյանը՝ նոր տեսահոլովակի նկարահանումների մասին

Life.panorama.am-ին երգչուհի Աննա Խաչատրյանը պատմել էր նոր տեսահոլովակի մասին՝ գաղտնի թողնելով տեսահոլովակի անակնկալ մտահղացումը: Իսկ այսօր երգչուհինLife.panorama.am-ին պատմեց նոր՝ «Բաղմանչի» տեսահոլավակի մտահղացման եւ նկարահանման մանրամասների մասին.

«Թե երգի, թե տեսահոլովակի հեղինակը Նիկ Եգիբյանն է, ով  իր վրա վերցրեց անգամ օպերատորական աշխատանքները, այսինքն՝ մտահղացումն էլ էր իրենը, իրականացումն էլ: Ճիշտ է Նիկը յուրաքանչյուր մտահղացում հարմարեցնում էր ինձ հետ, անգամ երգը գրել է իմ ներկայությամբ, բայց ես ամբողջովին վստահել եմ իրեն»,- նշեց երգչուհին:

Տեսահոլովակի հերոսների մասին էլ խոսելիս Աննան պատմեց. «Տեսահոլովակում նկարահանվել են իմ բոլոր ընկերները, իրականում նրանց թիվը ավելին պետք է լիներ, բայց ոմանց հարմար չէր այդ օրը մեզ հետ ուրախ նկարահանմանը մասնկացել: Պետք է ասեմ, որ նկարահանման ողջ ընթացքում երկրորդ դուբլ չի եղել, այսպես ասած բոլորը անկեղծ «տժժում» էին: Իսկապես այդ օրը ուրախ եւ ջերմ մթնոլորտում անցավ, կարծում եմ՝ մեզ մոտ ստացվել է  ուրախ, զվարճալի մոտ երեք րոպե տեւողությամբ տրամադրություն ստեղծելու փորձը, որը կօգնի մարդկանց կտրվել այս գորշ իրականությունից, դա էր այս երգի եւ տեսահոլովակի ամենակարեւոր նպատակներից մեկը»:

Հարցին, թե հնարավոր է արդյոք, որ «Բաղմանչին» այսուհետ դառնա հայկական ակումբների հիթերից մեկը, Աննա Խաչատրյանը նշեց. «Ես ակումբներում ընդհանրապես չեմ լինում, բայց «Բաղմանչին» արդեն հնչում է ռեստորաններում եւ բարձր տրամադրություն հաղորդում մարդկանց: Հուսամ այն կհնչի նաեւ ակումբներում»:

Աղբյուրը՝ Orer.am