Երեկ ամեն քայլափոխի կարելի էր հանդիպել «Երեխաների պաշտպանության միջազգայիյն օրվան» նվիրված միջոցառումների: Ամենուր գույներ, մուլտհերոսներ, մանկական զրնգուն ծիծաղները, որոնք իսկական հեքիաթ էին հիշեցնում: Իսկ Երեւանի մանկական երկաթուղին երեկ իր դռները բացեց փոքրիկների համար՝ սեզոնային բացումը նշելով երեխաների օրվան նվիրված ջերմ միջոցառմամբ:
Life.panorama.am-ին միջոցառման կազմակերպիչ, երգչուհի Նելլին պատմեց, որ միանգամից երեք համերգ է կազմակերպել.
«Երեկ բավականին մեծ, բայց եւ շատ հաճելի զբաղվածություն ունեիքն՝ մեր մանուկների օրը պետք է տոն դարձնեինք, ինչը, կարծում եմ, ստացվեց մեզ մոտ: Առավոտյան մանկական սրճարաններից մեկում փոքրիկ համերգ ունեցանք հատուկ «Օրրան» բարեգործական հասարակական կազմակերպության երեխաների համար, միասին խաղացինք, իսկ վերջում անկակնկալ կերպով գեղեցիկ ու հետաքրքիր նվերներ մատուցեցինք: Այնուհետեւ միջոցառումը շարունակվեց Երեւանի մանկական երկաթուղիում, ուր կայացավ նաեւ երկաթուղու սեզոնային բացումը,- պատմեց կազմակերպիչն ու շարունակեց.
«Այստեղ իսկական հեքիաթային տրամադրություն էր ստեղծված: Երեխաների համար ելույթ ունեցան մեր հայտնի փոքրիկ երգիչները՝ Դավիթ Վարդանյանը, Էլինա Չոլախյանը, Մեգգին, Արման Սիմոնյանը, Միլենա Գեւորգյանը, ովքեր բազմաթիվ միջազգային մրցույթների դափնեկիրներ են: Դե իսկ նրանց կատարումներն էլ ավելի գեղեցկացրին հետաքրքիր ու գունեղ պարային համարները: Ի դեպ՝ գեղեցկուհի Իրինա Թովմասյանի դուստրը ոչ միայն երգում էր, այլեւ վարում էր այդ գունեղ միջոցառումը»:
Նելլի խոսքով՝ օրն ավարտել են ակումբներից մեկում՝ կրկին տոնելով «Երեխաների պաշտպանության միջազգային օրը»:
Նելլին մեզ հետ զրույցում հավելեց նաեւ, որ անձամբ մեծ բավականություն է ստանում երեխաների հետ աշխատելով.
«Իմ տանն էլ մի հրաշք է մեծանում ու ես մեծ բավականություն եմ ստանում ոչ միայն աղջկաս օրերը տոն դարձնել, այլեւ շատ այլ երեխաների հետ ընկերանալ ու առիթ, թե անառիթ տոնական օրեր կազմակերպել: Ուզում եմ, որ աշխարհի բոլոր մանուկների դեմքից չպակասի իրենց անուշ ժպիտները, որ անհոգ մանկություն ունենան ու պատերազմներ չտեսնեն»,- ավարտեց Նելլին:
Հեղինակ՝ Անուշիկ Մելքոնյան
1
2
3
4
5
1
2
4
5
1
3
4
5
