Եվրոպական խաղերի բացման արարողությանը Հայաստանը կներկայանա 7 հոգանոց խմբով

Առաջին Եվրոպական ամառային խաղերի բացման հանդիսավոր արարողությանը Հայաստանը կմասնակցի 7 հոգանոց խմբով: Այս մասին տեղեկացնում է Եվրոպական խաղերի Հայաստանի հավաքականի մամուլի խոսնակ Կարեն Գիլոյանը: Առաջին Եվրոպական ամառային խաղերի բացման հանդիսավոր արարողությունը կկայանա հունիսի 12-ին` Երևանի ժամանակով 19:00-ին: Հայաստանի Եռագույնն էլ կտանի պատվիրակությա ն ղեկավար Հրաչյա Ռոստոմյանը:

Առաջին Եվրոպական խաղերը կանցկացվեն Բաքվում 2015 թվականի հունիսի 12-28-ը։ Հայաստանն այդ խաղերում ներկայացված կլինի 6 մարզաձևով` բռնցքամարտ, ըմբշամարտ, սամբո, ձյուդո, թաեքվոնդո, հրաձգություն, և կունենա 25 մարզիկ: Բռնցքամարտում Հայաստանը կներկայացնեն 6 մարզիկ` Արտյոմ Ալեքսանյանը (49 կգ), Նարեկ Աբգարյանը (52 կգ), Արամ Ավագյանը (56 կգ), Սամվել Բարսեղյանը (60 կգ), Հովհաննես Բաչկովը (64 կգ), Նիկոլ Հարությունովը (81 կգ), ձյուդոյում` Հայաստանը կներկայացնի 3 մարզիկ` 60 կգ քաշային Հովհաննես Դավթյան, 73 կգ քաշային Դավիթ Նիկողոսյան և 52 կգ քաշային Ժաննա Ստանկևիչ: Հրաձգոոթյունում` 2 մարզիկ` Հրաչիկ Բաբայան, Նորայր Առաքելյան, հունահռոմեական ոճի ըմբշամարտում 4 մարզիկ` Ռոման Ամոյան (55 կգ), Միհրան Հարությունյան (66 կգ), Կարապետ Չալյան (75 կգ) և Մաքսիմ Մանուկյան (85 կգ), ազատ ոճայիններ` 6 մարզիկ` Գարիկ Բարսեղյան (57 կգ), Վոլոդյա Ֆրանգուլյան (61 կգ), Դավիթ Սաֆարյան (65 կգ), Գրիգոր Գրիգորյան (74 կգ), Մուրսա Մուրթազալիև (86 կգ), Լևան Բերյանիձե (125կգ), սամբոյում՝ 3 մարզիկ` Տիգրան Կիրակոսյան, Աշոտ Դանիելյան, Սոսե Բալասանյան, թաեքվոնդոյում` Արման Երեմյան: