7 կարևոր կանոն ոտքերը ճիշտ սափելու համար

Եթե նույնիսկ դուք մաքրում եք ձեր ոտքերը գեղեցկության սրահներում, օգտագործում եք կրեմներ կամ վոսկ, ապա մեկ-մեկ լինում են օրեր, երբ իրավիճակը փրկում է միայն ածելին: Գոյություն ունի մի քանի կանոն, որոնք դրա օգտագործումը կդարձնեն արդյունավետ և անվտանգ:

Կանանց համար գոյություն ունեն հատուկ ածելիներ՝ փափկացնող գծերով, գելային բարձիկներով, սառեցնող ազդեցությամբ: Սակայն, եթե դուք չեք հետևում ընթացակարգի կանոններին, մազերը կարող են ներս աճել, մաշկը կարմրել և թեփոթել, իսկ մակերեսը մնալ անհարթ: Ստուգեք՝ արդյո՞ք ճիշտ եք անում այդ ընթացակարգը:

Սափրեք առավոտյան

Առավոտյան մաշկն ավելի ձիգ է և վնասվածք ստանալու հավանականությունը ավելի քիչ, քան երեկոյան:

Խոնավեցրեք մաշկը

Մինչ սկսելը, պառկեք լոգարանի մեջ կամ պահեք գոլ ջուրը ոտքերի վրա: Այն կփափկացնի մազիկները, իսկ մաշկն ավելի առաձգական կդարձնի:

Օգատգործեք սկրաբ

Խոնավեցրած մաշկից ավելի հեշտ է հեռացնել կոշտացած հյուսվածքները: Եթե դուք անտեսեք այդ փուլը, ապա մազիկները կսկսեն հայտնվել արդեն 12 ժամ անց:

Քսեք սափրելու գել կամ փրփուր

Շատ կանայք օգտագործում են լոգանքի գել, օճառ կամ շամպուն: Դա մեծ սխալ է: Միայն հատուկ միջոցներն են լավ գրկում մազիկները և ապահովում ածելիի սահելը մազարմատի խորքից ու հանգստացնում մաշկը ընթացակարգի ժամանակ:

Սափրեք մազերի աճի ուղղությամբ, այլ ոչ թե հակառակ

Առաջին հայացքից անտրամաբանական է հնչում, սակայն դա թույլ կտա խուսափել ներաճող մազերից: Հակառակ ուղղությամբ թրաշելով դուք վնասում եք մաշկը, ինչի հետևանքով մազերը ներաճում են:

Չափի մեջ եղեք

Ածելիով անցեք մեկ անգամ: Եթե այն մեկ անգամից չի մաքրել ոտքերը, ապա պետք է փոխեք այն: Մի քանի անգամ նույն տեղով անցնելով դուք վնասում եք մակերեսը և մազերը անպայման կսկսեն ներաճել:

Հանգստացրեք մաշկը

Ընթացակարգից հետո, նույնիսկ բոլոր կանոնները պահպանելու դեպքում, մաշկը գրգռվում է: Օգտագործեք սառեցնող քսուք մաշկի համար կամ հատուկ միջոց՝ սափրվելուց հետո օգտագործելու համար: Օգտագործվող միջոցները պետք է չպարունակեն սպիրտ, որպեսզի չառաջացնեն քոր և կարմրածություն: