Կասեցվել է «ԻԳԻԹ»-ի թթվասերի արտադրամասի գործունեությունը․ հայտնաբերվել են սանիտարահիգիենիկ խախտումներ
Սննդամթերքի անվտանգության տեսչական մարմնի որոշմամբ կասեցվել է Շիրակի մարզի Ազատան գյուղում գործող «ԻԳԻԹ» ընկերության թթվասերի և թթվասերային արտադրանքի արտադրամասի գործունեությունը։
Ստուգումների արդյունքում հայտնաբերվել են սանիտարահիգիենիկ նորմերի խախտումներ։ Մասնավորապես՝ արտադրամասի հատակների և առաստաղների մի մասը չի համապատասխանել սահմանված պահանջներին, իսկ արտադրության ընթացքում օգտագործվել են սննդամթերքի հետ շփման համար ոչ համապատասխան նյութերից պատրաստված սարքավորումներ։
Ընկերությանը հանձնարարվել է վերացնել արձանագրված խախտումները և արտադրամասի պայմանները համապատասխանեցնել տեխնիկական կանոնակարգերի պահանջներին։ Թերությունները շտկելու համար սահմանվել է համապատասխան ժամկետ։