Հայաստանը չի մասնակցում ՀԱՊԿ աշխատանքներին. կազմակերպությունը պատշաճ կերպով կարձագանքի դրան. Պեսկով
Երևանն այս պահին չի մասնակցում ՀԱՊԿ աշխատանքներին: Կազմակերպությունը պատշաճ կերպով կարձագանքի դրան, լրագրողներին հայտարարել է Ռուսաստանի նախագահի մամուլի քարտուղար Դմիտրի Պեսկովը, հաղորդում է ՏԱՍՍ-ը:
«Փաշինյանը բազմիցս կրկնել է, որ Հայաստանը կորցրել է հետաքրքրությունը ՀԱՊԿ-ին մասնակցելու նկատմամբ: Մենք չգիտենք, թե ինչի է սպասում Փաշինյանը, բայց այն, որ Հայաստանը չի մասնակցում ՀԱՊԿ աշխատանքներին, ակնհայտ է: Եվ ՀԱՊԿ-ը, համապատասխանաբար, կարձագանքի դրան»,- ասել է Պեսկովը:
«Այն ամենը, ինչ գրված է կանոնադրությունում, կարող է գործադրվել անդամ երկրների որոշմամբ: Եվ նախարարն էլ երեկ պարզաբանեց, թե հատկապես ինչ է գրված կանոնադրությունում», - մեկնաբանել է Պեսկովը ՌԴ ԱԳՆ ղեկավար Սերգեյ Լավրովի խոսքերն այն մասին, որ անդամ երկրները չեն պատրաստվում «վտարել» Հայաստանին ՀԱՊԿ-ից:
Հիշեցնենք, որ ավելի վաղ Ռուսաստանի ԱԳ նախարար Սերգեյ Լավրովը հայտարարել է, որ Հավաքական անվտանգության պայմանագրի կազմակերպության դուռը Երևանի համար չի փակվում և Հայաստանին ՀԱՊԿ-ից չեն վտարելու:
1
2
3
4
5
1
2
3
4
5
1
2
3
4
5
