Իջևանում 45-ամյա տղամարդը ապօրինի ծառահատում է իրականացրել
Նոյեմբերի 3-ին՝ ժամը 23.50-ին, Համայնքային ոստիկանության Իջևանի բաժին Սևքար տեղամասի էկոպարեկներից հաղորդում էր ստացվել, որ փայտանյութով բեռնված «ԳԱԶ-66» մակնիշի մեքենայի վարորդը չենթարկվելով «կանգառ» ազդանշանին՝ դիմել է փախուստի։ Այս մասին հայտնել է ՀՀ ՆԳՆ Ոստիկանությունը:
«Ահազանգով մեկնած համայնքային ոստիկանները Այգեհովիտ բնակավայրի սկզբնամասում կանգնեցրել են նշված մեքենան։ Ստուգմամբ պարզվել է, որ վարորդի ներկայացրած փաստաթուղթը չի համապատասխանում մեքենայի թափքում առկա բոխի և այլ ծառատեսակներից պատրաստված փայտանյութի ծավալին։
Վարորդը ձերբակալվել և տեղափոխվել է Համայնքային ոստիկանության Իջևանի բաժին։ Կազմված փաստաթղթերը ներկայացվել են Տավուշի մարզային քննչական վարչություն, որտեղ քրեական վարույթ է նախաձեռնվել։
Այգեհովիտ գյուղի բնակիչ 45-ամյա տղամարդը տեղափոխվել է ձերբակալվածների պահման վայր։ Կատարվում է նախաքննություն։
Ապօրինի ծառահատման դեպք են բացահայտել նաև Համայնքային ոստիկանության Ախուրյանի բաժնի ծառայողները։
Իրացնելով օպերատիվ տեղեկությունը՝ համայնքային ոստիկանները պարզել են, որ Առափի գյուղի 58-ամյա բնակիչը համայնքապատկան տարածքից ապօրինի հատել է ուռենիներ։ Նա հրավիրվել է բաժին և բացատրական աշխատանքի արդյունքում հայտնել, որ նշված տարածքից բենզասղոցով հատել է 6 ուռենի։
Կազմված փաստաթղթերն ուղարկվել են Շիրակի մարզային քննչական վարչություն»,- նշված է հաղորդագրության մեջ:
1
2
3
4
5
1
2
3
4
5
1
3
5
