Ճապոնիայի Կյուսյու կղզում երկրաշարժից վնասը կարող է հասնել 41,8 մլրդ դոլարի
Միջազգային
Ճապոնիայի Կյուսյու կղզու Կումամոտո պրեֆեկտուրայում երկրաշարժից վնասը, երկրի կառավարության՝ մայիսի 24-ին «Իոմիուրի» թերթում հրապարակված տվյալների համաձայն, կկազմի 2,4 տրիլիոնից մինչեւ 4,6 տրլն իեն (21,8 միլիարդից մինչեւ 41,8 մլրդ դոլար), տեղեկացնում Է«Արմենպրես»-ը:
Կյուսյուի Կումամոտո եւ Օյիտա պրեֆեկտուրաներում ապրիլի 14-ին տեղի Է ունեցել 6,5 մագնիտուդով ուժգին երկրաշարժ, իսկ երկու օր անց այն հարվածել Է Էլ ավելի մեծ ուժով, երբ մագնիտուդը հասել Է արդեն 7,3-ի: Հետցնցումներն այնտեղ շարունակվում են արդեն ավելի քան մեկ ամիս, ուստի, ինչպես նշում Է թերթը, վնասի գումարը կարող Է փոփոխվել:
Մայիսի 23-ին Ճապոնիայի օդերեւութաբանական ծառայության տվյալներով՝ Կումամոտոյում տեղի Է ունեցել 2,4 մագնիտուդով երկրաշարժ: Մինչ այժմ Ճապոնիայի իշխանությունները հաշվարկել են, որ երկրաշարժից շինությունների վնասը, ներառյալ բնակելի շենքերն ու ֆաբրիկաները, կազմել Է մինչեւ 3,1 տրլն իեն (28,1 մլրդ դոլար):
«Իոմիուրի»-ի տվյալներով՝ այսօրվա դրությամբ Կումամոտոյում եւ Օյիտայում ավերված Է շուրջ 10 հազար բնակելի շենք:
Կյուսյու կղզում երկրաշարժերի ու սողանքների հետեւանքով զոհվել Է 49 մարդ, եւս 17 հոգի սթրեսից եւ հիվանդությունների սրացումից մհացել են տարհանման կենտրոններում, հաղորդել Է ՌԻԱ Նովոստին:
Լուսանկարը` AFP
1
2
3
4
5
1
2
3
4
5
1
3
4
