Նոր արգելք դատապարտյալների հարազատների համար. Գալյանը մանրամասնել է
Մոտ ապագայում ՀՀ արդարադատության նախարարությունը նպատակ ունի քրեակատարողական հիմնարկներում արգելել դատապարտյալների հարազատների կողմից հանձնուքների փոխանցումը, փոխարենը ՔԿՀ–ներում ապահովել պատշաճ սննդի մատակարարում։ Այդ մասին այսօր` 2027 թ. ՀՀ պետական բյուջեի նախագծի քննարկման ժամանակ, ԱԺ պետական–իրավական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստի ժամանակ ասաց ՀՀ արդարադատության նախարար Սրբուհի Գալյանը։
«Մոտ ապագայում միտք ունենք հրաժարվել հանձնուքների ինստիտուից առհասարակ։ Դա ընդունելի փորձ է առաջատար երկրներում, միայն պոստսովետական երկրներում են դրանք ընդունված եղել»,– նշեց նա` ավելացնելով, որ սա նաև քրեական ենթամշակույթի դեմ պայքարելու մեթոդներից մեկն է։
Նախարարի խոսքով` այսօր էլ, որպեսզի քրեական ենթամշակույթի տարրերը չակտիվանան, ՔԿՀ–ներում արգելված է միատեսակ իրերի, օրինակ` խորովածի մեծ քանակների ընդունումը, որպեսզի յուրաքանչյուրը հանձնուք ստանա միայն իր համար, այլ ոչ թե հյուրասիրի այլ անձանց։
Գալյանը հիշեցրեց նաև, որ քրեական ենթամշակույթի դեմ պայքարելու, ինչպես նաև ՔԿՀ–ներում կարգուկանոնի վերահսկման համար տեղադրվել են տեսախցիկներ, իսկ դրոններով տարբեր առարկաների փոխանցման համար էլ Արմավիր ՔԿՀ–ն, օրինակ, ցանցապատվել է։
1
2
3
4
5
1
2
3
4
5
5
