Թրամփը Բայդենին մեղադրել է Ուկրաինային անհատույց զենք փոխանցելու մեջ
ԱՄՆ նախագահ Դոնալդ Թրամփը հայտարարել է, որ իր նախորդի՝ Ջո Բայդենի վարչակազմի օրոք Վաշինգտոնն Ուկրաինային է փոխանցել 350 մլրդ դոլարի սպառազինություն և դրա դիմաց փոխհատուցում չի ստացել։ Այս մասին նա հայտնել է հոկտեմբերի 27-ին Տեխասում Հանրապետական կուսակցության աջակիցների հանրահավաքի ժամանակ։
«Մենք վերականգնեցինք զինված ուժերը։ Իսկ հետո Բայդենը տվեց մեր ստեղծածի մեծ մասը։ Կարելի էր դրա դիմաց գոնե ինչ-որ բան պահանջել։ Չէ՞ որ դա Եվրոպան է։ Նրանք ի վիճակի են վճարել», — ասել է Թրամփը։
ԱՄՆ նախագահը հայտարարել է, որ Ջո Բայդենն անհատույց փոխանցել է զգալի քանակությամբ սպառազինություն։ Ընդ որում, ԱՄՆ-ը դրա դիմաց ոչինչ չի ստացել, բացի, իր ձևակերպմամբ, այն կարծիքից, թե ամերիկացիներին հիմար են համարում։
Թրամփի խոսքով՝ եվրոպական երկրները կարող էին ինքնուրույն վճարել Ուկրաինային փոխանցվող սպառազինության համար։ Նա նաև նշել է, որ ԱՄՆ գործող վարչակազմը դաշնակիցներից գումար է ստանում զենքի մատակարարումների դիմաց։
1
2
3
4
5
1
2
3
4
5
3
