Շրի Լանկայում առնվազն 40 մարդ է զոհվել, ևս ավելի քան 150-ն՝ անհայտ կորել սողանքների պատճառով
Header
Առնվազն 40 մարդ է զոհվել, ավելի քան 150 հոգի անհայտ կորած է համարվում Շրի Լանկայի կենտրոնական մասում տեղի ունեցած մի շարք սողանքների հետևանքով, որոնք առաջացել են տեղատարափ անձրևներից: Այս մասին, ինչպես տեղեկացնում է «Արմենպրես»-ը, հայտնել է Շրի Լանկայի Տարերային աղետների հետևանքների դեմ պայքարի կենտրոնի մամուլի քարտուղար Փրադիփ Քոդիփիլին:
«Անցած երեք օրը տեղի են ունեցել մի շարք զանգվածային սողանքներ, որոնք հանգեցրել են բազմաթիվ զոհերի,- հայտարարել է նա:- Սողանքի տակ է մացել երեք գյուղ Քեգալեի լեռնային շրջանի Արանայաքա քաղաքի մերձակայքում՝ երկրի մայրաքաղաք Կոլոմբոյից 72 կիլոմետր դեպի հյուսիս - արևելք: Այսօրվա դրությամբ ցեխի և քարակույտերի տակից հաջողվել է հանել 40 մարմին, ևս ավելի քան 150 մարդ համարվում է անհայտ կորած»:
Աղետի վայրեր ուղարկված զինվորական ստորաբաժանումները փլվածքների տակից փրկել են արդեն ավելի քան 350 մարդու, վտանգավոր շրջաններից Կարմիր խաչի ներկայացուցիչների կազմակերպած ճամբարներ են տարահանել շուրջ 340 մարդու:
«Մենք համոզված ենք, որ զոհերն զգալիորեն ավելի շատ կլինեն,- լրագրողներին հայտարարել է Կարմիր խաչի՝ Շրի Լանկայի բաժանմունքի գլխավոր տնօրեն Նևիլ Նանայաքարան տուժած գյուղերի բնակիչներ հետ կայացած հանդիպումից հետո:- Նախնական տվյալներով՝ նրանք կորցրել են մոտավորապես 300-400 մարդ», հաղորդել է ՏԱՍՍ-ը:
1
2
3
4
5
1
3
4
5
1
2
3
