Աշխարհի բնակչության երկու երրորդը 2030 թվականին ապրելու է քաղաքներում. ՄԱԿ-ի զեկույց
Միջազգային
Աշխարհի բնակչության երկու երրորդը 2030 թվականին ապրելու է քաղաքներում, որոնց բաժին է ընկնելու համաշխարհային ՀՆԱ-ի 80 տոկոսը: Այդ մասին, ինչպես տեղեկացնում է «Արմենպրես»-ը, ասված է ՄԱԿ-ի բնակավայրերի գծով ծրագրի զեկույցում:
Փաստաթղթի համաձայն՝ ներկայումս աշխարհի բնակչության հինգերորդ մասն ապրում է ընդամենը 600 քաղաքում, որոնց բաժին է ընկնում գլոբալ ներքին համախառն արդյունքի 60 տոկոսը: Ընդ որում՝ առավել արագ զարգացող ուրբանիստական կենտրոններ են ճանաչված մեկ միլիոնից պակաս բնակչությամբ միջին ու փոքր քաղաքները, որոնց բաժին է ընկնում աշխարհի բնակչության մինչև 59 տոկոսը:
Զեկույցի հեղինակները նշում են, որ ուրբանիզացման գործընթացը հնարավորություններ է ընձեռում առաջիկա 14 տարում Կայուն զարգացման նոր նպատակներին հասնելու համար: Սակայն, եթե ուրբանիզացման գործընթացը ընթանում է չպլանավորված և չի կառավարվում, ուրբանիզացումը կարող է հանգեցնել մարդկանց միջև անհավասարության աճի, հետնախորշերի ընդլայնման և ավերիչ կլիմայական փոփոխությունների:
Նաև նշվում է բնակչության շրջանում անհավասարության մակարդակի մեծացումը 20-րդ դարի վերջի տվյալների համեմատությամբ:
ԱՄՆ-ի Մարդահամարի բյուրոյի տվյալներով՝ Երկրագնդի բնակչությունը 2016 թվականի հունվարի 1-ի դրությամբ կազմել է շուրջ 7,3 մլրդ մարդ, հաղորդել է ՌԻԱ Նովոստին:
1
2
3
4
5
1
2
3
4
5
2
