Գյումրիում ազդարարվեց «Եվրոպայի օր» միջոցառումների մեկնարկը

 «Եվրոպայի օր» ծրագրի շրջանակներում, մայիսի 15-ին, Գյումրին հյուրընկալեց ԵՄ  պատվիրակությանը:

Արդեն 4-րդ տարին է՝ Եվրոպայի օրը նշվում է նաև Գյումրիում: Այս տարի Գյումրիում  Եվրոպայի օրվա տոնական հիմնական միջոցառումը տեղի կունենա ժամը 18:30-ին Գյումրիի  Թատերական հրապարակում, որտեղ  Եվրոպայի օրը նշվելու է որպես խաղաղության և միասնության տոն:   Նախաձեռնության շրջանակներում գյումրեցիները հնարավորություն կստանան վայելելու Սրբուհի Սարգսյանի և Allusion բենդի, Նարե Գևորգյանի և DJ Elf-ի կատարումները:
Բացօթյա համերգից բացի, գյումրեցիները  հնարավորություն կունենան նաև ֆիթնեսի Հայաստանի լավագույն մասնագետների հետ մասնակցելու փողոցային ֆիթնեսի (street workout) մարզումներին: 
 Իսկ մինչ այդ, Հայաստանում ԵՄ պատվիրակության ղեկավար, դեսպան Պյոտր Սվիտալսկին և Հայաստանում Լիտվայի դեսպան Էրիկաս Պետրիկասըհանդիպել են Գյումրու քաղաքապետ Սամվել Բալասանյանի  հետ և քննարկել քաղաքի  զարգացման հնարավորությունները:

Ողջունելով հյուրերին՝ Սամվել Բալասանյանը կարևորեց «Եվրոպայի օր» ծրագրի շրջանակներում հանրապետության տարբեր քաղաքներում անցկացվող միջոցառումները՝ փաստելով, որ սա նաև լավ առիթ է դիվանագիտական նոր հարաբերությունների ու նոր ու լավ ծրագրերի իրականացման համար:

«Գյումրին կարելի է Հայաստանի ամենաեվրոպական քաղաքը համարել. Հայաստանի միակ քաղաքն է, որն ունի Եվրոպայի  հրապարակ։ Դրապատճառով մենք այստեղ մեզ լավ ենք զգում՝ ինչպես տանը: Ես ուրախ եմ, որ Գյումրիում եմ: Լինելով ԵՄ պատվիրակության ղեկավար՝կցանկանայի, որ նաև Գյումրու դեսպանը լինեի»,- «Արմենպրես»-ի հաղորդմամբ՝ նշեց Պյոտր Սվիտալսկին՝ ներկայացնելով այն բոլոր ծրագրերը, որոնք կիրականացվեն Գյումրիում եվրոպական ֆինանսավորմամբ. կշարունակվեն  ջրամատակարարման և ջրահեռացման համակարգերի նորոգման աշխատանքները,  կվերանարոգվի Գյումրի-Երևան ճանապարհը, աջակցություն կլինի նաև ՏՏ ոլորտին: Դեսպանը հույս հայտնեց, որ, նաև, հաշվի առնելով Գյումրու մշակութային դիմագիծը, քաղաքում հնարավոր կլինի զարգացնել նաև  զբոսաշրջությունÕ ¨: «Ճիշտ է, եղանակի պատճառով Գյումրին Հայաստանի «Սիբիր» են կոչում,բայց քաղաքը լավ կլիմա ունի զբոսաշրջության զարգացման համար: Մենք պատրաստ ենք շարունակել մեր համագործակցությունը Հայաստանիմարզերի հետ, քանզի այդ աշխատանքը նպաստում է Երևանի և մարզերի միջև ստեղ ծված անհամաչափությունների վերացմանը: Հուսով ենք՝ ՀՀ կառավարությունը շուտով կհաստատի  տարածքային զարգացման ռազմավարությունը՝ հիմք  ընդունելով  տարածքային զարգացման որոշսկզբունքներ։ Հուսով ենք նաև՝ կհաստատվի  տարածքային զարգացման հիմնադրամի ստեղծումը և վսահ եմ, երբ  ստեղծվի այդ հիմնադրամը, այդպահից ի վեր Եվրամիությունը կկարողանա էլ ավելի մեծ գումարներ ներդնել Շիրակի մարզի և մասնավորապես Գյումրիի զարգացմանուղղությամբ»,- հավելեց Հայաստանում ԵՄ պատվիրակության ղեկավար, դեսպան Պյոտր Սվիտալսկին:

Եվրոպայի օրը նշվում է ամեն տարի Եվրոպայում։ Այն խորհրդանշում է խաղաղությունը և միասնությունը։ Եվրոպայի օրվա երկու տարբեր նշանակություններ գոյություն ունեն. մայիսի 5-ին նշվում է Եվրոպական Խորհրդի օրը, իսկ մայիսի 9-ին Եվրոպական Միության օրը։ Եվրոպական Միության օրը նաև հայտնի է Շումանի  օր անվանումով։ Եվրոպական Խորհրդի օրը նշանակում է իր հիմնադրումը 1949 թվականին, իսկ Եվրոպական Միության օրը նշվում է ի պատիվ 1950 թվականին ներկայացված նրա նախատիպի։

Արմենուհի Մխոյան