Ադրբեջանը մանր և միջին ձեռնարկատիրության վարկանիշում զբաղեցնում է վերջին տեղը

Տնտեսական համագործակցության եւ զարգացման կազմակերպությունը (OECD) հրապարակել է Արեւելյան գործընկերության երկրներում մանր եւ միջին ձեռնարկատիրության ոլորտում պետական քաղաքականության մասին զեկույց եւ հատուկ վարկանիշ (SME polisy index), որուm այս տարի Ադրբեջանը SME polisy index-ում երկու գլխավոր պարամետրերով զբաղեցրել է վերջին տեղը (http://goo.gl/z8Zr6w):

OECD-ի փորձագետները գտնում են, որ կառավարությունները պետական գնումների իրականացնելու ժամանակ պետք է նախապտավությունը տան բաց հայտամրցույթներին, այլ ոչ թե ոչ մրցակցային եւ փակ մեթոդներին:

Այդ գնումները պետք է պայմաններ ստեղծեն մանր եւ միջին ձեռնարկատիրական սուբյեկտներին հավասար մասնակցության համար: Այդ պարամետրով իր 2,42 միավորով Ադրբեջանը Արեւելյան գործընկերության երկրների մեջ զբաղեցնում է վերջին' 6-րդ տեղը: Ադրբեջանն իր 2,70 միավորով վերջին տեղն է զբաղեցրել նաեւ ֆինանսական ռեսուրսների հասանելիությամբ:

Ադրբեջանցի տնտեսագետ Ռովշան Աղաեւի կարծիքով' ճգնաժամային իրավիճակներին կայուն տնտեսական զարգացումը եւ դիմադրողականությունն ուղղակiորեն կախված է մանր եւ միջին ձեռնարկատիրության զարգացման մակարդակից: Այն երկրներում, որտեղ մանր եւ միջին ձեռնարկատիրությունը զարգացած չէ, ճգնաժամաերի նկատմամբ «իմունիտետը» ցածր է: Զարգացած երկրներում մանր եւ միջին ձեռնարկատիրության տեսակարար կշիռը ՀՆԱ-ի արտադրության մեջ գնահատվում է 50 տոկոսից ոչ ցածր, իսկ որոշ երկրների գծով այդ ցուցանիշը հասնում է 70-80 տոկոսի:

Ռովշան Աղաեւի խոսքով' Ադրբեջանում մանր ձեռնարկատիրության մասնաբաժինը ՀՆԱ-ում կազմում է 3 տոկոս, իսկ միջին ձեռնարկատիրության վիճակագրություն ընդհանրապես չի անցկացվում, ինչն, ամենանայն հավանականությամբ այն պատճառով, որ նման բան Ադրբեջանում ընդհանրապես չկա: