Ապրիլյան պատերազմի ընթացքում վիրավորված զինծառայողների վերականգնման հարցում առանձնահատուկ հաջողություններ են գրանցվել

Ապրիլյան պատերազմի ընթացքում վիրավորված մի քանի զինծառայողներ տեղափոխվել են վերականգնողական կենտրոն, որտեղ առանձնահատուկ հաջողություններ են գրանցվում: Այդ մասին կառավարության նիստից հետո լրագրողների հետ զրույցում նշեց ՀՀ առողջապահության նախարար Արմեն Մուրադյանը: «Տղաներից մեկի՝ Հայկի հետ, ով գլխուղեղի ներթափանցող վնասվածք ուներ, միասին քայլել ենք: Մյուսը՝ Հայկը, ևս խոստացավ, որ կփորձի ոտքի կանգնել: Կուզեի, որ թերահավատո ւթյուն չլինի հայկական բժշկության նկատմամբ, քանի որ այս պատերազմի ընթացքում նվազագույն սանիտարական կորուստներ ենք ունեցել՝ հաշվի առնելով, որ բժշկական աձնակազմն եղել է տղաների կողքին՝ ամենաբարձր արհեստավարժ գիտելիքներն ու հմտությունները ցուցաբերելով, նաև մարդկային ջերմություն ցուցաբերելով»,- «Արմենպրես»-ի փոխանցմամբ՝ ասաց նախարարը:

Հայկական «Կարմիր խաչ» առողջության կենտրոնում այժմ վերականգնողական բուժում է ստանում երեք զինծառայող, որոնցից 2-ը` ծանր վիրավորումներ են ստացել Արցախում ապրիլյան հակամարտության վերջին օրերին: Երեք տղաներն էլ հենաշարժական ապարատի հետվնասվածքային խնդիրներ ունեն: Հայկ Թորոսյանի,Հայկ Սեխլիյանի և Արամ Սարյանի հետ միաժամանակ աշխատում է փորձառու մասնագետների մի ամբողջ խումբ:

Արմեն Մուրադյանն անդրադառնալով ծանր վիրավորներին՝ ասաց, որ ՀՀ ՊՆ Կենտրոնական կլինիկական զինվորական հոսպիտալում այս պահին մեկ զինծառայողի՝ Ռոլանդի վիճակն է գնահատվում ծայրահեղ ծանր: Ծայրահեղ ծանր վիճակում գտնվող մի զինծառայող էլ՝ Ավետիսը, «Էրեբունի» բժշկական կենտրոնոմ է գտնվում: Արմեն Մուրադյանի խոսքով՝ վիրավոր զինծառայողների մեծամասնությունը կկարողանա շարունակել ծառայությունը: Ըստ նրա՝ Այրվածքաբանության կենտրոնում այսօր երկու ծանր հիվանդ է բուժում ստանում, որոնց մոտ դրական տեղաշարժ կա: Նախարարի համոզմամբ՝ առողջապակաÕ ¶ համակարգն այս ընթացքում կարողացել է կատարել իր առջև դրված խնդիրները և նվազագույնի հասցնել սանիտարական կորուստները: