«Ես ճիշտ արեցի». Թրամփը՝ Իրանի դեմ պատերազմ սկսելու մասին
Միջազգային
ԱՄՆ նախագահը հայտարարել է, որ «ճիշտ է արել» Իրանի վրա հարձակվելով: Բրիտանական GB NEWS-ին տված հարցազրույցում Դոնալդ Թրամփն ասել է, որ եթե չհարձակվեին, Իրանը միջուկային զենք կունենար:
«Երբ մարդիկ հարցնում են՝ ուրախ եք, որ դա արեցիք։ Ես ասում եմ՝ անկասկած, որովհետև ես կանխեցի նրանց կողմից միջուկային զենք ձեռք բերելը … Նրանք միջուկային զենք չեն ունենա։ Ոչ, ես ճիշտ արեցի»,- ասել է նա։
Թրամփի մեկնաբանությունը հնչել է այն ժամանակ, երբ մի շարք իրանցիներ հուղարկավորում էին իրենց հարազատներին, որոնք սպանվել էին սեպտեմբերի 2-ին հարսանեկան խնջույքի վայրին ԱՄՆ զինուժի հասցրած հարվածից: Հինգ մարդ էր սպանվել այդ հարձակման հետևանքով, ավելի քան 50-ը՝ վիրավորվել:
Սպիտակ տան ղեկավարը նաև ասել է, որ ցանկանում է, որպեսզի ռուս-ուկրաինական պատերազմն ավարտվի:
«Լսե՛ք, ես ուղղակի ուզում եմ, որ պատերազմն ավարտվի, դա շատ պարզ է։ Նրանք ամեն ամիս կորցնում են 25,000 մարդ՝ Ռուսաստանը և Ուկրաինան։ Երկուսն էլ շատ բան են կորցնում»,- ասել է նա:
Անցյալ տարվա վերջին և այս տարվա սկզբին ԱՄՆ-ի միջնորդությամբ Ռուսաստանի և Ուկրաինայի միջև բանակցությունների մի քանի փուլ է տեղի ունեցել, վերջինը՝ այս տարվա փետրվարին։ Իրանի դեմ ԱՄՆ-Իսրայել ռազմական գործողության մեկնարկից հետո այլևս հանդիպումներ չեն եղել։
1
2
3
4
5
1
2
3
5
1
3
