Հերմինե Նաղդալյանը շարունակում է իր «հայ առաջին կին օլիգարխի» կոչմանը համապատասխանը գործելաոճը

Կարեն Համբարձումյանը ֆեյսբուքյան իր էջում գրում է .

Հայաստանում բոլոր խնդիրները նման են մեծ թնջուկների, որոնց թելերը մշտապես տանում են դեպի իշխանական օղակներ։ Օրինակ քառօրյա պատերազմի ընթացքում «բոլորովին պատահական» բացահայտեցինք, որ ՀՀ-ն ԼՂՀ-ին կապող միակ ճանապարհը գտնվում է անմխիթար վիճակում։ Սակայն սա խնդրի միայն առարկայական կողմն էր, որի հետևում քողարկվում էին մեր պետության բարգավաճումը կաշկանդող մի շարք այլ հիմնահարցեր։ 

Առաջինը՝ մեր սահմանադրության պաշտպաններն իրենք են մայր օրենքի դրույթների ամենամեծ ոտնահարողը. ԱԺ փոխնախագահ Հերմինե Նաղդալյանը հերքում է Սիսիան-Գորիս ավտոճանապարհն ԻՐ ԸՆԿԵՐՈւԹՅԱՆ կողմից սպասարկվելու լուրերը։ Իսկ Հերմինե Նաղդալյանը գիտի՞, որ պաշտոնյային գործարարությամբ զբաղվելը արգելված է սահմանադրորեն։ Ինչ կա որ, կարող է և չիմանալ, չէ որ ապրում ենք մի երկրում որտեղ սահմանդրական դրույթներն այնքան են ոտնահարվել, և երևույթն այնքան օրինաչափ է դարձել, որ պաշտոնյաները մեկ-մեկ իրենք էլ են խճճվում։ 

Եթե չգիտի, ապա ինչ գործ ունի օրենսդիր մարմնում, եթե գիտի ապա ինչու՞ է մատ թափ տալիս իշխանությունն իր հարստացմանը ծառայեցնելու մասին հայտարարություններ անողների վրա և զզվեցնում հասարակությանը իր «հայրենիքին մատուցած ծառայությունների» մասին կոկորդ պատռելով։ 

Երկրորդ՝ պետական մայրուղու հետ կապված աղմուկը ցույց տվեց Հայաստանում պետական նշանակության՝ ճանապարահաշինության, քաղաքաշինության և այլն, ծրագերում կոռուպցիոն գործարքների բարձր ցուցանիշն ու մենաշնորհն այս ոլորտում։ Սակայն Նաղդալյանը պարբերաբար իր ընկերության կողմից տենդերներ շահելու մասին հավաստի լուրերն էլ է որակում թյուր կարծիք ևայսպես հերքելով էլ շարունակում է իր՝ հայ առաջին «կին օլիգարխի» կոչմանը համապատասխանը գործելաոճը։