Ֆրանսիայի վարչապետը խոստանում Է վճարել կառավարության ինքնաթիռով իր երեխաների թռիչքի համար

Ֆրանսիայի վարչապետ Մանուել Վալսը հունիսի 11-ին հայտարարել Է, որ պատրաստվում Է վճարել կառավարական ինքնաթիռով իր երեխաների թռիչքի համար, որով ինքն իր ընտանիքի մի քանի անդամների հետ հունիսի 6-ին այցելել Էր Բեռլինում կայացած՝ ֆուտբոլի Չեմպիոնների լիգայի եզրափակիչ մրցախաղ: 

Ավելի վաղ հաղորդվել Է, որ Վալսը քաղաքական հակառակորդների կրակի տակ Է հայտնվել այն բանից հետո, երբ Բեռլին Է մեկնել կառավարական ինքնաթիռով: Ֆրանսիայի զանգվածային լրատվամիջոցների տվյալներով՝ Falcon կառավարական ինքնաթիռում, բացի Վալսի օգնականներից եւ պահակախմբի աշխատակիցներից, գտնվել են կառավարության ղեկավարի երկու որդիները: Վալսին քննադատել են սոցիալիստ գործընկերները, որոնք համարել են, որ նրա գործելակերպն անթույլատրելի Է ձախ կողմնորոշման քաղաքական գործչի համար:     

ԶԼՄ-ների գնահատմամբ՝ թռիչքի արժեքը կազմում Է շուրջ 19 հազար եվրո: Ըստ որում ուղեւորությունը նշանակված չի եղել վարչապետի պաշտոնական կարգացուցակում: Վալսն ինքը հայտնել Է, որ հունիսի 6-ին Բեռլին Էր այցելել ՈՒԵՖԱ-ի ղեկավար Միշել Պլատինիի հրավերով:   

«Այդ պաշտոնական ուղեւորության շրջանակներում ես օգտագործել եմ այն միջոցները, որոնք վարչապետին սովորաբար թույլատրելի են նման դեպքերում: Սակայն ես, անշուշտ, հասկանում են ֆրանսիացիների արձագանքը, ես պետք Է գործեմ կանոններին խստիվ համապատասխան: Եթե կարելի լիներ այդ ամենը հետ շրջել, ես դա չԷի անի: Բոլոր կասկածները փարատելու համար ես որոշել եմ հատուցել իմ երեխաների թռիչքի արժեքը»,- մեջբերում Է France-Presse գործակալությունը վարչապետի հայտարարությունը, որը նա արել Է Ռեյունիոն կղզում կայացած մամուլի ասուլիսի ժամանակ: Վալսի խոսքով՝ փոխհատուցման չափը կազմում Է 2500 եվրո, հաղորդել Է ՌԻԱ Նովոստին: