Զարմացնենք մեր սիրելիններին . անկրկնելի ու յուրօրինակ բաղադրատոմս . Տորթ «Ferrero rocher»

Դուք անշուշտ ծանոթ եք այնպիսի քացրավենիքի, ինչպիսին ferrero rocher շոկոլադն է։ Ընկույզի լիցքով այս համեղ շոկոլադից դժվար է լինում հրաժարվելը։ Սակայն այս ապրանքանիշն ունի նաև ferrero rocher տորթը, որի համը, ինչպես և շոկոլադե կոնֆետինը, անհնարին է մոռանալ։

Ներկայացնում ենք այդ համեղ տորթի բաղադրատումսը։

Պատրաստման համար անհրաժեշտ են․

- 5 մեծ ձու

- 6 ճաշի գդալ շաքարավազ

- 1,75 բաժակ աղացած պնդուկ

- 2 ճաշի գդալ ալյուր 

- 2 ճաշի գդալ կակաոյի փոշի

- 2 թեյի գդալ փխրուցիչ

- 200 գր անալի սերուցքային կարագ՝ սենյակային ջերմաստիճանի

- 280 գր դառը շոկոլադ

- 7 ճաշի գդալ նութելա

- 200-220 գր վաֆլի՝ փշրված վիճակում

- 10 Ferrero Rocher կոնֆետ։

Պատրաստման եղանակը․

Լավ հարում եք ձվերը՝ շաքարավազի հետ:

Խառնում եք ալյուրը, կակաոն և փխրուցիչը:

Ավելացնում եք պնդուկը և այս խառնուրդը աստիճանաբար ավելացնում եք  ձվային խառնուրդի մեջ:

Տորթի ամանը քսում եք կարագով և խմորը լցնում այնտեղ:

Դնում եք ձեռոցի մեջ՝ 40 րոպե, 175 աստիճանի տակ:

Հալեցնում եք շոկոլադը, սառեցնում այն մինչև սենյակային ջերմաստիճանի:

Խառնում եք այն նախապես առանձին խփած կարագի և նութելլայի հետ: Ամբողջը խփում եք միասին մինչև միանման զանգված ստանալը:

Թխվածքը բաժանում եք երկու կամ երեք մասի:

Քսում եք կրեմ յուրաքանչյուր մասի վրա և վրան լցնում  մանրացված վաֆլին:

Մնացած կրեմով քսում եք վերևի հատվածը, վրան նույնպես լցնում վաֆլիի և պնդուկի փոշին, եթե մնացել է:

Կոնֆետները կիսում եք երկու մասի և դնում շուրջը:

Տորթը լավ սառացնում եք:

Մատուցելուց առաջ մի քիչ շուտ եք հանում, որպեսզի կրեմը փափկի:

Բարի ախորժակ: