Նեթանյահուն հրաժարվել է Վաշինգտոնում հանդիպել Զելենսկու հետ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իսրայելի վարչապետ Բինյամին Նեթանյահուն հրաժարվել է հանդիպում անցկացնել Վլադիմիր Զելենսկու հետ այն ժամանակ, երբ նրանք երկուսն էլ այս շաբաթ գտնվում էին Վաշինգտոնում։ Այս մասին հայտնել է ՏԱՍՍ-ը՝ հղում անելով Haaretz թերթին։

Թերթի զրուցակիցը հայտնել է, որ Զելենսկու գրասենյակը նախապես կապ է հաստատել Նեթանյահուի գրասենյակի հետ՝ հանդիպման շուրջ պայմանավորվելու համար, ինչին իսրայելական կողմն այդպես էլ չի պատասխանել։

Մեկ այլ՝ ուկրաինական աղբյուր Haaretz-ի հետ զրույցում պնդել է, թե իբր սկզբում հանդիպումն առաջարկվել էր Նեթանյահուի գրասենյակի կողմից, սակայն այն բանից հետո, երբ Զելենսկու գրասենյակը համաձայնել է, իսրայելական կողմից որևէ հետագա պատասխան չի եղել մինչև հուլիսի 28-ը, երբ իսրայելական պաշտոնյաները հայտարարել են, որ Իսրայելի վարչապետը ժամանակի սրության պատճառով չի կարողանա հանդիպում անցկացնել Զելենսկու հետ։

Նշենք, որ երեքշաբթի ԱՄՆ նախագահ Դոնալդ Թրամփը Սպիտակ տանը առանձին հանդիպումներ է անցկացրել Նեթանյահուի և Զելենսկու հետ։ Դրանից հետո նույն օրը նրանք ներկա են գտնվել սենատոր Լինդսի Գրեհեմի հուղարկավորության արարողությանը, որտեղ Զելենսկին մոտեցել է Նեթանյահուին, և նրանք փոխանակվել են մի քանի կարճ արտահայտություններով, նշում է Haaretz-ը։ Թերթը հայտնում է, որ Նեթանյահուի գրասենյակում հրաժարվել են մեկնաբանել այս իրավիճակը։

Հետևեք մեզ՝ այստեղ