«Magic Cake» ` պատրաստենք այս հրաշահամ թխվածքը միասին

Բաղադրիչները նախատեսված են 24x24 սմ քառակուսաձև ձևամանի կամ 26 սմ տրամագծով կլոր ձևամանի համար (ձևամանը պետք է հանվող չլինի, քանի որ խմորը ջրիկ է, կարող է ծորալ)։

1. Սպիտակուցները դեղնուցներից առանձնացնում ենք։ Սպիտակուցները 1 պտղունց աղի հետ հարում ենք մինչև պինդ փրփուր ստանանք (8-15 րոպե)։ Դնում ենք մի կողմ։
   
2. Դեղնուցները հարիչի բաժակի մեջ ենք լցնում և շաքարավազի և վանիլինի հետ հարում ենք։ Այնքան ենք հարում մինչև զանգվածը սպիտակի և ծավալով ավելանա։
   
3. Ավելացնում ենք ջուրը, հալեցրած կարագը (բայց ոչ տաք վիճակում) և մի քանի րոպե հարում ենք։ Այնուհետև, անընդհատ հարելով, ավելացնում ենք ալյուրը։
   
4. Կաթը լցնում ենք զանգվածի մեջ և հարում ենք մինչև համասեռ դառնա։ Ջրիկ խմոր ենք ստանալու։
   
5. Սպիտակուցային զանգվածը (3 անգամով ենք լցնում) խմորի մեջ ենք ավելացնում ` յուրաքանչյուր անգամ սպիտակուցները լցնելուց հետո լավ խառնում ենք։
   
6. Խմորը լցնում ենք յուղաթղթապատ տապակի մեջ և մինչև 160 աստիճան տաքացրած ջեռոցում 40-60 րոպե թխում ենք` մինչև թխվածքի երեսը թեթևակի կարմրի։ Թխվելու ժամանակը կախված է ջեռոցից։
   Պատրաստի թխվածքը սառեցնում ենք մինչև սենյակային ջերմաստիճանի և մի քանի ժամով տեղափոխում ենք սառնարանը։
   Ձևամանից հանում ենք, կտրատում, վրան շաքարի փոշի ցանում և մատուցում։