Ի՞նչ է լինելու Բաքվի խաղերից հետո
Header
«168 ժամ» թերթը գրում է. «Տարածաշրջանային այցով Երեւանում է գտնվում ԵԱՀԿ Մինսկի խմբի ամերիկացի համանախագահ Ջեյմս Ուորլիքը, ով, բացի նախագահի ու արտգործնախարարի հետ հանդիպումներից, հանդիպել է նաեւ ԱԺ պատգամավորների հետ: Թե կոնկրետ ինչ է քննարկվել այդ հանդիպումների ընթացքում՝ չի հաղորդվում: Այդուհանդերձ, ամերիկացի դիվանագետն «Ազատություն» ռադիոկայանին տված հարցազրույցում հայտարարել է. «Եթե Ղարաբաղում լայնամասշտաբ հակամարտություն ծագի, անհնար կլինի հասնել բանակցված կարգավորման»:
Սա, իհարկե, նորություն չէ, նորություն է այն, որ Մինսկի խմբի համանախագահի մակարդակով խոսվում է «լայնամասշտաբ հակամարտության» մասին: Ադրբեջանական կողմը կոշտացրել է ռազմական հռետորաբանությունը, եւ կա սպասում, որ Բաքվում երկու օրից կայանալիք Առաջին Եվրոպական խաղերից հետո հակամարտության գոտում կարող են սադրանքներ լինել:
Ընդ որում, դա պայմանավորված է նաեւ ռուս-ադրբեջանական վերջին ջերմացմամբ, եւ պատահական չէ, որ օլիմպիական խաղերից հետո ռազմական գործողությունների սպառնալիքների մասին խոսում են առաջին հերթին՝ ռուս իշխանամերձ փորձագետները: Ու բացառված չէ, որ օլիմպիական խաղերի մեկնարկի նախօրեին Ուորլիքը Հայաստան է եկել՝ իշխանություններին ինչ-որ բան նախազգուշացնելու համար»:
Առավել մանրամասն՝ թերթի այսօրվա համարում
1
2
3
4
5
1
2
3
1
2
3
5
