Սարկիսովի գոլը հաղթական նշանակություն ունեցավ
Սպորտ
Ռուսաստանի ֆուտբոլի առաջին դիվիզիոնի 34-րդ տուրի շրջանակներում Նիժնի Նովգորոդի «Վոլգա»-ն սեփական հարկի տակ ընդունել էր «Տոմին»: «Արմենպրես»-ը հաղորդում է, որ դաշտի տերերի կազմում խաղի առաջին րոպեներից դաշտ է դուրս եկել Հայաստանի ֆուտբոլի ազգային հավաքականի հարձակվող Արթուր Սարկիսովը:
Տանտերերի համար հետաքրքիր ու դրամատիկ պայքարում անցկացված խաղն ավարտվել է հյուրերի՝ «Տոմ»-ի ֆուտբոլիստների 2-3 հաշվով պարտությամբ: Հանդիպման առաջին կեսն անցել է հյուրերի առավելությամբ, և գրանցվել է 3 գոլ, որից երկուսը հեղինակել են «Տոմ»-ի ֆուտբոլիստները: «Վոլգա»-ի կազմում պատասխան գնդակ է խփել Արթուր Սարկիսովը:
Երկրորդ խաղակեսում «Վոլգա»-ն կարողացել է բեկում մտցնել խաղի մեջ և երկու գոլ է խփել՝ վերջնական հաղթանակ ձևակերպելով:
Հաղթանակից հետո «Վոլգա»-ն ունի 46 միավոր և Ռուսաստանի առաջին դիվիզիոնի ընթացիկ առաջնության մրցաշարային աղյուսակի 11-րդ հորիզոնականում: «Վոլգա»-ի՝ հաջորդ տուրի հանդիպումը կկայանա մայիսի 6-ին: Մրցակիցն այդ խաղում կլինի «Գազովիկ»-ը:
1
2
3
4
5
1
2
3
4
2
3
5
