Որոշեցինք պարզապես պահել հաշիվը. Քեյնի անկեղծ խոստովանությունը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Անգլիայի ազգային հավաքականի ավագ Հարի Քեյնը մեկնաբանել է Աշխարհի առաջնության կիսաեզրափակչում Արգենտինայից կրած պարտությունը: Հիշեցնենք, որ հանդիպումն ավարտվել է 1:2 հաշվով՝ հօգուտ արգենտինացիների:

«Ինձ համար շատ ցավալի է տղաների, ողջ թիմի, անձնակազմի ու երկրպագուների համար։ Խաղի մեծ մասում մենք լավ տեսք ունեինք։ Երբ առաջ անցանք հաշվի մեջ, կարծես որոշեցինք պարզապես պահպանել առավելությունը, սակայն այս մակարդակում դա բավարար չէ։

Չափազանց ծանր է, քանի որ մենք հսկայական աշխատանք էինք կատարել այստեղ հասնելու համար։ Տղաներն արյուն, քրտինք ու արցունք են թափել, տվել են իրենց բոլոր ուժերը։ Այդ իսկ պատճառով առանց եզրափակչի մնալն այժմ կրկնակի ցավալի է։

Գոլից հետո մեզ համար ավելի բարդ դարձավ մրցակցին ճնշման տակ պահելը։ Առաջին խաղակեսում և երկրորդի սկզբնամասում մենք հիանալի պրեսինգ էինք կիրառում, ստիպում էինք նրանց սխալվել, խլում էինք գնդակն ու ավելի լավ էինք վերահսկում խաղի ընթացքը։

Բայց գոլից հետո պատկերը փոխվեց. կա՛մ նրանք սկսեցին ավելի ակտիվ գործել, կա՛մ մենք չկարողացանք արժանի հակահարված տալ։ Սկսվեց գրոհների մի իսկական տարափ։ Տղաներն իրենց նետում էին հարվածների տակ, բլոկավորում էին գնդակները, սակայն, ի վերջո, դա էլ բավարար չեղավ»,- Քեյնի խոսքերն է մեջբերում BBC-ն։

Հավելենք, որ բրոնզե մեդալների համար պայքարում Անգլիայի հավաքականը կմրցի Ֆրանսիայի հետ։ Հանդիպումը կկայանա հուլիսի 18-ին և կմեկնարկի Երևանի ժամանակով 01:00-ին։

Հետևեք մեզ՝ այստեղ